සිරියාව ගැන කතා කිරීමට ආරක්ෂක මණ්ඩලය රැස්වෙයි.
2012 අප්රියෙල් 19 බ්රහස්පතින්දා- පස්වරු 07:19
සිරියාවේ වත්මන් තත්ත්වය පිළිබඳ සාකච්ඡා කිරීමට එක්සත් ජාතීන්ගේ ආරක්ෂක මණ්ඩලය අද (19) රාත්රියේ රැස්වීමට නියමිතයි. මෙම හමුවට විශේෂ ලිපියක් යොමු කරමින් ජගත් මහලේකම් බෑන් කී මූන් සඳහන් කළේ සිරියානු රජය එක්සත් ජාතීන්ට ලබාදුන් පොරොන්දු කඩ කර ඇති බවයි. ජගත් නිරීක්ෂකයන් සිරියාවට පැමිණි අවස්ථාවේ ඔවුන් ඉලක්ක කර ගනිමින් කැරළිකරුවන් වෙඩි ප්රහාරයක් එල්ල කර තිබුණා. ඉන් අනතුරුවයි 30ක් වූ නිරීක්ෂකයින් සංඛ්යාව 300 දක්වා ඉහළ නැංවීමට තීරණය කර ඇත්තේ. මීට අමතරව ඇමරිකානු රාජ්ය ලේකම් හිලරි ක්ලින්ටන් සිරියාව සම්බන්ධයෙන් කටයුතු කරන රටවල විදේශ අමාත්යවරුන් හමුවීමට ද නියමිතයි.
