අධ්යාපනයේ දූෂණ ප්රසිද්ධ රහසක් - නියෝජ්ය ඇමති පිළි ගනී.
2012 අප්රියෙල් 28 සෙනසුරාදා- පස්වරු 06:43
පාසල්වලට ළමයින් ඇතුළත් කර ගැනීමේ සිට අධ්යාපන ක්ෂේත්රයේ සෑම අංශයකම දූෂණ චෝදනා පවතින බව ලංකා ගුරු සංගමය චෝදනා කරනවා. එම සංගමයේ සභාපති ජෝශප් ස්ටාලින් හිරු ප්රවෘත්ති අංශයට අදහස් දක්වමින් කියා සිටියේ අධ්යාපන අමාත්යාංශයේ බලධාරීන් මේ සම්බන්ධයෙන් නිසියාකාරයෙන් කටයුතු නොකරන බවයි. එබැවින් දෙමව්පියන් සහ අනෙකුත් අධ්යාපන බලධාරීන්ට අධිකරණයේ පිහිට පැතීමට පවා සිදුව ඇති බවයි එම සංගමයේ සභාපති ජෝශප් ස්ටාලින් වැඩිදුරටත් සඳහන් කරන්නේ. මීට පෙර පාසල්වලට ළමයින් ඇතුළත් කර ගැනීම ඇතුළු අධ්යාපන ක්ෂේත්රයේ පවතින අක්රමිකතා පිළිබඳව සෙවීමට කමිටුවක් පත්කළ බවද ඔහු කියා සිටියා. කෙසේ වෙතත්, එම කමිටුවලින් ද ප්රයෝජනවත් ප්රතිඵලයක් අත් වී නොමැති බවයි ලංකා ගුරු සංගමයේ සභාපතිවරයා පවසන්නේ.
මේ සම්බන්ධයෙන් අධ්යාපන නියෝජ්ය අමාත්ය විජිත් විජයමුණි සොයිසාගෙන් හිරු ප්රවෘත්ති අංශය විමසීමක් කළා. ඔහු කියා සිටියේ අධ්යාපන ක්ෂේත්රයට එල්ල වී ඇති වංචා දූෂණ චෝදනාවලින් අමාත්යවරයාට, නියෝජ්ය අමාත්යවරයාට හෝ ලේකම්වරයාට ගැලවිය නොහැකි බවයි. මෙම දූෂණ ප්රසිද්ධ රහසක් බවට පත්ව ඇති බවද ඔහු කියා සිටියා.
Hard Talk - Saturday, 15 June 2013