1950 වසරේ සිට 1953 දක්වා පැවැති කොරියානු යුද්ධයේ නිමාව සලකුණු කිරීමේ උත්සවයකට උතුරු කොරියානුවන් ඊයේ (27) සහභාගි වුණා. උතුරු කොරියාව විසින් දකුණු කොරියාව ආක‍්‍රමණය කිරීමෙන් ඇරඹුණු යුද්ධය 1953 වසරේ ජුලි 27 වැනිදා අවසන් වූයේ සටන් විරාමයකින්. එහෙත් උතුරු කොරියානුවන් එය හඳුන්වන්නේ ජයග‍්‍රහණයේ දිනය ලෙසයි. ඒ නිමිත්තෙන් පියොංයැං නුවර ඊයේ (27) පැවැති සමරු උත්සවයට යුධ ප‍්‍රවීනයන් 3000කට වැඩි පිරිසක් සහභාගි වුණා. ඔවුන් ප‍්‍රතිඥා දුන්නේ උතුරු කොරියානු නව නායක කිම් ජොං අන්ට දිවි හිමියෙන් පක්ෂපාතී වන බවටයි.