තමන් තවදුරටත් ශක්තිමත් - සිරියානු කැරළිකරුවන්.
2012 අගෝස්තු 09 බ්රහස්පතින්දා- පස්වරු 12:51
තමන් පරාජය කිරීම සිරියානු ජනාධිපතිවරයා සිතන තරම් පහසු නැතැයි එරට කැරළිකාර කණ්ඩායම් ප්රකාශ කරනවා. ඒ සඳහා තවත් කල්ගතවනු ඇති බව ඔවුන් ප්රකාශ කළේ යැයි විදෙස් වාර්තා සඳහන් කළා. මේ වනවිට සිරියානු හමුදා කැරළිකරුවන්ට එරෙහිව දැවැන්ත මෙහෙයුමක් ආරම්භ කර තිබෙනවා. දැනටමත් කැරළිකරුවන් බලය තහවුරු කරගෙන සිටි ප්රදේශ කිහිපයක් සිරියානු හමුදාව විසින් යළි අත්පත්කරගෙන ඇතැයි සඳහන්. ඇලෙප්පෝ නගරයේ තවදුරටත් දරුණු ගැටුම් පවතින අතර බර අවි යොදාගෙන එල්ලකළ ප්රහාරවලින් නගරයට දැඩි හානි සිදුව තිබෙනවා.
