ඉන්දියාවෙන් පාකිස්තානයට චෝදනාවක්.
2012 අගෝස්තු 19 ඉරිදා- පෙරවරු 08:18
දකුණු දිග ඉන්දියාවේ බැංගලෝර් නුවර සහ මුම්බායි සිට දහස් ගණන් සංක්රමණික ජනයා පළායාමට හේතු වූ දූෂමාන ආරංචි පාකිස්තානය විසින් පතුරුවා ඇති බවට ඉන්දියාව චෝදනා කරනවා. ඇසෑමය ඇතුළු ඊසානදිග ඉන්දියානු ප්රාන්තවල සිට පැමිණි මෙම ජනයා නැවතත් සිය ගම්බිම් බලා යන්නේ මුස්ලිම්වරුන් තමන්ට ප්රහාර එල්ල කිරීමට සූදානම්ව සිටින බවට පැතිරුණු කටකතා හේතුවෙන්. ජංගම දුරකතනවලට එලෙස එවා ඇති තර්ජනාත්මක පණිවුඩ බොහොමයක් පාකිස්තානයෙන් නිර්මාණය වූ ඒවා බවට ඉන්දීය අභ්යන්තර කටයුතු අමාත්ය ආර්.කේ.සිං ඊයේ චෝදනා කළා. ස්වදේශීක ජන කොටස් සහ මුස්ලිම්වරුන් අතර ගැටුම් පවතින ඇසෑමයෙන් බැංගලෝරයට පැමිණ සිටින සංක්රමණික ජන කොටස දෙලක්ෂ 50,000 කට අධිකයි. දැන් ඔවුන් අතරින් වැඩි දෙනෙක් සිය ගම්බිම් බලාගොස් අවසන්.
