තවත් ප්රදේශ 5 කට කොමසාරිස්ගෙන් විශේෂ ඡන්ද කණ්ඩායම්.
2012 අගෝස්තු 29 බදාදා- පස්වරු 07:02
තවත් ප්රදේශ 5 කට විශේෂ කණ්ඩායම් පිටත් කර හැරීමට මැතිවරණ කොමසාරිස් මහින්ද දේශප්රිය තීරණය කර තිබෙනවා. ඒ දෙහිඅත්තකණ්ඩිය, අම්පාර, කන්තලේ, සේරුවිල සහ පොළොන්නරුවටයි. මීට පෙර අනුරාධපුරයටද මැතිවරණ දෙපාර්තමේන්තුවේ විශේෂ නිලධාරි කණ්ඩායමක් පිටත් කර හැරියා. මැතිවරණ කොමසාරිස්වරයා පවසන්නේ ආරක්ෂාව අවශ්ය ඡන්ද අපේක්ෂකයන්ට ආරක්ෂාව ලබාදීමට අවධානය යොමුව ඇති බවයි. මෙවර පළාත් සභා මැතිවරණයේ විශේෂ ආරක්ෂක වැඩපිළිවෙල පිළිබඳව හෙට දිනයේ සාකච්ඡාවක් පැවැත්වීමටද නියමිතයි. ඊට පොලිස්පතිවරයා මෙන්ම ඡන්දය පැවැත්වෙන ප්රදේශවල ජ්යෙෂ්ඨ නියෝජ්ය පොලිස්පතිවරුන් එක්වනු ඇති. ඡන්දයට නිළධාරීන් 65000කගේ පමණ සේවය ලබාගන්නා බවද මැතිවරණ කොමසාරිස්වරයා පවසනවා. ගැටළු පැන නැගී ඇති ස්ථානවල ඡන්ද පොළ නිරීක්ෂණ කටයුතු සඳහා මාණ්ඩලික නිලධාරීන් තුන්දෙනෙකුගේ අධීක්ෂණය ලබාදෙන බවද ඔහු සඳහන් කළා. මැතිවරණ කොමසාරිස් මහින්ද දේශප්රිය මෙම කරුණු හෙළි කළේ විද්්යුත් මාධ්ය ආයතන ප්රධානීන් සමග මැතිවරණ ප්රතිඵල නිකුත් කිරීම පිළිබඳව පැවති සාකච්ඡාවකදියි.
මේ අතර පැෆරල් සංවිධානයද අද මැතිවරණ කොමසාරිස්වරයා හමුවී ඡන්ද නිරික්ෂණ කටයුතු පිළිබඳ සාකච්ඡා කළා.
