තුර්කියේ ජනතා විරෝධතා උග්‍ර අතට.

තුර්කි අග්‍රාමාත්‍ය රෙසෙප් එර්ඩෝගන් ගේ ඒකාධිපති පාලනයට එරෙහිව ඉස්තාන්බුල් නුවර සති දෙකක් තිස්සේ පැවැත්වෙන රාජ්‍ය විරෝධී උද්ඝෝෂණවලට අද එරට කැරළි මර්දන පොලීසිය කඳුළු ගෑස් සහ රබර් උණ්ඩ ප්‍රහාරයක් එල්ල කළා. ටක්සිම් චතුරශ්‍රයේ පැවති උද්ඝෝෂණයට මෙලෙස කැරළි මර්දන පොලීසිය ප්‍රහාර එල්ල කර උද්ඝෝෂකයන් පළවා හැර ඇති අතර එහිදී උද්ඝෝෂකයන්ද පොලීසියට ගල් සහ පෙට්‍රල් බෝම්බ ප්‍රහාර එල්ල කර තිබෙනවා. ඉස්තාන්බුල් නුවර ගේසි උද්‍යානයේ පැවති උද්ඝෝෂනයකට පොලීසිය ප්‍රහාර එල්ල කිරීමත් සමගයි මෙලෙස දෙපාර්ශවය අතර ගැටුම් උත්සන්න වී ඇත්තේ.