වැඩබලන දියවඩන නිලමේ නිලංග දෑල

ශ්‍රී දළදා මාලිගාවේ හිටපු දියවඩන නිලමේ ප්‍රදීප් නිලංග දෑල නැවත වැඩබලන දියවඩන නිලමේවරයා ලෙස පත් කළ බව බෞද්ධ කටයුතු කොමසාරිස් ආර්.එම්.ජී. සේනාරත්න සඳහන් කළා.

අදාළ පාර්ශ්වවල එකඟතාව සහිතව මෙම පත්වීම සිදුකළ බවයි ඔහු ප්‍රකාශ කළේ. ඉදිරි නිලවරණය පවත්වන තෙක් මෙම පත්කිරීම බලපැවැත්වෙන අතර, මාස තුනක් ඇතුළත නිලවරණය පැවැත්වීමට කටයුතු සූදානම් කරමින් සිටින බවයි බෞද්ධ කටයුතු කොමසාරිස්වරයා වැඩිදුරටත් අවධාරණය කර සිටියේ.

කෙසේ වෙතත් නිලවරණය පවත්වන දිනය තවමත් තීරණය කර නොමැති බව වාර්තා වෙනවා. ඊට අදාළ සාකච්ඡා මේ වන විට ආරම්භ වී ඇති බවයි බෞද්ධ කටයුතු දෙපාර්තමේන්තුව පවසන්නේ.