සරණ ගුණවර්ධනගේ නඩු හතරක තීන්දුව අද

දූෂණ චෝදනා එල්ල වී සිටි හිටපු නියෝජ්‍ය අමාත්‍ය සරණ ගුණවර්ධනට එරෙහිව අල්ලස් කොමිසම විසින් ගොනුකර තිබෙන නඩු හතරක තීන්දුව අද (09) දින ප්‍රකාශයට පත් කිරීමට නියමිතයි.

අල්ලස් කොමිසම විසින් සරණ ගුණවර්ධනට එරෙහිව ගොනුකර තිබූ නඩු හතරක තීන්දුව පසුගිය 26 වැනිදා ප්‍රකාශයට පත් කිරීමට නියමිතව තිබුණා.

එහෙත් එම නඩු එදින කැඳවූ අවස්ථාවේදී විනිසුරුවරයා නිවේදනය කළේ එම නඩුවල තීන්දු සූදානම් කර නොමැති බවයි.

ඒ අනුව තීන්දු ප්‍රකාශයට පත් කිරීම අද සිදු කරන බවත් විනිසුරුවරයා නියෝග කළා.

2006 වසරේ සංවර්ධන ලොතරැයි මණ්ඩලයේ සභාපතිවරයා වශයෙන් කටයුතු කරමින් එම ආයතනයට කුලී පදනම යටතේ වාහන ලබා ගැනීම තුළින් රජයට පාඩු සිදු කළේ යැයි චෝදනා කරමින් අල්ලස් කොමිසම විසින් හිටපු නියෝජ්‍ය අමාත්‍ය සරණ ගුණවර්ධනට එරෙහිව මෙම නඩුව ගොනු කර තිබෙනවා.