ඕස්ට්‍රේලියාවේ මෙල්බර්න් නුවරට භූකම්පනයක්

ඕස්ට්‍රේලියාවේ මෙල්බර්න් නගරය සහ වික්ටෝරියා ප්‍රාන්තයේ ප්‍රදේශ රැසකට බලපාමින් රික්ටර් මාපක 4.8ක ප්‍රබලතාවයෙන් යුතු භූමිකම්පාවක් සිදුවී ඇති බව විදෙස් මාධ්‍ය වාර්තා කරනවා.

ඕස්ට්‍රේලියානු භූවිද්‍යා සමීක්ෂණ ආයතනය (Geoscience Australia) සඳහන් කළේ එරට වෙලාවෙන් අළුයම 2.00ට පමණ මෙම භූචලනය වාර්තා වූ බවයි.

එහි කේන්ද්‍රය මෙල්බර්න් නුවර සිට කිලෝමීටර් 135ක් පමණ ගිනිකොන දෙසින් පිහිටි සවුත් ගිප්ස්ලන්ඩ් හි ලියොන්ගාතා (Leongatha) නගරය ආසන්නයේ හඳුනාගත් බවද එම ආයතනය පවසනවා.

මෙම භූමිකම්පාව හේතුවෙන් නිවාස හා ගොඩනැගිලි සෙලවීමකට ලක්ව ඇති අතර, සිදුවූ හානි පිළිබඳව මෙතෙක් තොරතුරු වාර්තා වී නැහැ.