ත්‍රිකුණාමලය-හබරණ පාරේ අනතුරක්: අයෙක් මරුට

%E0%B6%AD%E0%B7%8A%E2%80%8D%E0%B6%BB%E0%B7%92%E0%B6%9A%E0%B7%94%E0%B6%AB%E0%B7%8F%E0%B6%B8%E0%B6%BD%E0%B6%BA-%E0%B7%84%E0%B6%B6%E0%B6%BB%E0%B6%AB+%E0%B6%B4%E0%B7%8F%E0%B6%BB%E0%B7%9A+%E0%B6%85%E0%B6%B1%E0%B6%AD%E0%B7%94%E0%B6%BB%E0%B6%9A%E0%B7%8A%3A+%E0%B6%85%E0%B6%BA%E0%B7%99%E0%B6%9A%E0%B7%8A+%E0%B6%B8%E0%B6%BB%E0%B7%94%E0%B6%A7

ත්‍රීකුණාමලය හබරණ පාරේ කිතුල් උතුව ප්‍රදේශයේදී අද (03) දහවල් සිදුවූ මාරක අනතුරකින් පුද්ගලයෙකු ජීවිතක්ෂයට පත්ව ඇතැයි අග්බෝපුර පොලිසිය පවසනවා.

ත්‍රීරෝද රථයක් සහ මෝටර් රථයක් එකිනෙක ගැටීමෙන් මෙම අනතුර සිදුව ඇති බවයි පොලිසිය පැවසුවේ.

කන්තලේ ප්‍රදේශයේ සිට හබරණ දෙසට ධාවනය කළ ත්‍රීරෝද රථයක් කිතුල්උතුව ප්‍රදේශයේදී පාරේ දකුණු පසින් පිහිටි වෙළෙඳසැලක් වෙත එකපාරටම හරවා තිබුණා.

එම අවස්ථාවේ හබරණ ප්‍රදේශයේ සිට පැමිණි කාර් රථයක් එම ත්‍රීරෝද රථයේ ගැටීමෙන් මෙම අනතුර සිදුවී ඇති බවයි වාර්තා වන්නේ.

අනතුර හේතුවෙන් ත්‍රීරෝද රථයේ පැමිණි රි‍යැදුරු මිය ගොස් ඇති අතර එහි සිටි තවත් අයෙකු තුවාල ලබා කන්තලේ මූලික රෝහලට ඇතුළත් කර තිබෙනවා.

සිද්ධියෙන් මියගොස් ඇත්තේ කිතුල්උතුව ගමේම පදිංචිකරුවෙකු බවද කාර් රථයේ පැමිණි පුද්ගලයන් හබරණ ප්‍රදේශයේ පදිංචිකරුවන් බවද පොලිසිය සඳහන් කළා.

වැඩිදුර පරීක්ෂණ අග්බෝපුර පොලිසියේ රථවාහන අංශය විසින් සිදු කරනවා.