උතුරු මුහුදේදී ඉන්දීය යාත්‍රාවක් නාවික හමුදා භාරයට

ශ්‍රී ලංකා මුහුදු සීමාවට අනිසි ලෙස ඇතුළු වී නීතිවිරෝධී ලෙස ධීවර කටයුතුවල නිරත වූ ඉන්දීය ධීවර ට්‍රෝලර් යාත්‍රාවක් නාවික හමුදාව විසින් අද (03) පස්වරුවේ භාරයට ගෙන තිබෙනවා.

ඩෙල්ෆ්ට් දූපතට දකුණු දෙසින් වූ ශ්‍රී ලංකා මුහුදු තීරයේ සිදුකළ විශේෂ මෙහෙයුමකදීයි මෙම යාත්‍රාව අත්අඩංගුවට ගෙන ඇත්තේ.

ජාත්‍යන්තර මුහුදු සීමාව (IMBL) උල්ලංඝනය කරමින් ශ්‍රී ලංකා මුහුදු සීමාවේ ධීවර කටයුතුවල නිරත වෙමින් සිටියදී නාවික හමුදාව විසින් මෙම වැටලීම සිදුකර තිබෙනවා.

අත්අඩංගුවට ගත් ඉන්දීය ට්‍රෝලර් යාත්‍රාව සහ එහි සිටි ධීවරයින් ඉදිරි නීතිමය කටයුතු සඳහා අදාළ අංශ වෙත භාරදීමට නියමිතයි.