ගිම්පත ඇල සුද්ද කරන්න ගැම්මෙන් බැහැපු කොට්ටහච්චි

විවිධ තාක්ෂණික දෝෂ හේතුවෙන් මීට පෙර පිරිසිදු කිරීමට නොහැකි වූ පානදුර ආසනයේ ගිම්පත ඇල, වසර ගණනාවකට පසු අද දින (03) සාර්ථකව පිරිසිදු කිරීමේ කටයුතු පාර්ලිමේන්තු මන්ත්‍රීනි නිලන්ති කොට්ටහච්චිගේ ප්‍රධානත්වයෙන් ආරම්භ කර තිබෙනවා.

පානදුර ආසනයේ කෙසෙල්වත්ත කලාපයේ ග්‍රාම නිලධාරී වසම් තුනක් ආවරණය වන පරිදි කිලෝමීටර් තුනක පමණ දුරක් දිවෙන මෙම ගිම්පත ඇල, අනවසර ඉදිකිරීම් සහ අපද්‍රව්‍ය බැහැර කිරීම නිසා දැඩි ලෙස අපිරිසිදු මට්ටමක පැවති බවයි මන්ත්‍රීවරියගේ සමාජ මාධ්‍ය පිටුව තුළ සඳහන් වන්නේ.

2026 වසරේ විමධ්‍යගත අරමුදල් ප්‍රතිපාදන සහ ප්‍රජා ශක්ති කමිටුවේ වසම් තුනක ප්‍රතිපාදන එකතු කර ගනිමින් ප්‍රාදේශීය සභාව ක්‍රියාත්මක බලධාරියා ලෙස ඉදිරිපත්ව මෙම පිරිසිදු කිරීමේ මෙහෙයුම ආරම්භ කර ඇති බවයි අදාළ සටහනේ වැඩිදුරටත් සඳහන් වන්නේ.