අධ්‍යාපන චාරිකාව නිමා කර සමනල වැවේ සැඟව ගිය මල් කැකුළ

%E0%B6%85%E0%B6%B0%E0%B7%8A%E2%80%8D%E0%B6%BA%E0%B7%8F%E0%B6%B4%E0%B6%B1+%E0%B6%A0%E0%B7%8F%E0%B6%BB%E0%B7%92%E0%B6%9A%E0%B7%8F%E0%B7%80+%E0%B6%B1%E0%B7%92%E0%B6%B8%E0%B7%8F+%E0%B6%9A%E0%B6%BB+%E0%B7%83%E0%B6%B8%E0%B6%B1%E0%B6%BD+%E0%B7%80%E0%B7%90%E0%B7%80%E0%B7%9A+%E0%B7%83%E0%B7%90%E0%B6%9F%E0%B7%80+%E0%B6%9C%E0%B7%92%E0%B6%BA+%E0%B6%B8%E0%B6%BD%E0%B7%8A+%E0%B6%9A%E0%B7%90%E0%B6%9A%E0%B7%94%E0%B7%85

මොණරාගල සිට සබරගමුව විශ්වවිද්‍යාලය බලන්න අධ්‍යාපන චාරිකාවට ආ සිසුවෙක් සමනල වැවේ නෑමට ගොස් දියේ ගිලී ජීවිතක්ෂයට පත්ව ඇතැයි සමනලවැව පොලිසිය පවසනවා.

මෙලෙස මරණයට පත්ව ඇත්තේ වයස අවුරුදු 16 ක් වූ කිරියන්කුඹුර, බිබිල ප්‍රදේශයේ පදිංචි පාසල් සිසුවෙක්.

මොණරාගල ප්‍රදේශයේ සිට සබරගමුව විශ්වවිද්‍යාලය නැරඹීම සඳහා අධ්‍යාපන චාරිකාවක් පැමිණි සිසුන් පිරිසක් කූරගල පුදබිමට යන අතරතුර සමනල වැව වේල්ල නැරඹීම සඳහා බස් රථ නවතා ඇති අවස්ථාවක මෙම අනපේක්ෂිත අනතුරක් සිදුව ඇති බවයි පොලිසිය සඳහන් කරන්නේ.

එහිදී එක් බස් රථයක පැමිණි සිසුන් තිදෙනෙකු දිය නෑමට සූදානම්ව ජල කාන්දුව අසලට බැස ඇති අතර, එම අවස්ථාවේ එක් සිසුවෙකු ජල පහරට හසුව අතුරුදන් වී ඇති බවට සමනල වැව පොලිස් ස්ථානයට තොරතුරක් ලැබී තිබෙනවා.

ඒ සමඟම පොලිසිය විසින් වහාම විමර්ශන හා සෝදිසි මෙහෙයුම් ආරම්භ කර තිබුණා.

ප්‍රදේශවාසීන් සහ පොලිසිය එක්ව සිදු කරන ලද සෝදිසි මෙහෙයුමකින් අනතුරුව අතුරුදන් වූ දරුවාගේ මෘත ශරීරය සොයාගෙන තිබෙනවා.

මේ වන විට මෘත ශරීරය බලංගොඩ රෝහලේ මෘත ශරීරාගාරයේ තැන්පත් කර ඇති අතර, සමනල වැව පොලිස් ස්ථානය විසින් වැඩිදුර විමර්ශන සිදු කරනු ලබනවා.