General05 October 2026

උණ රෝගයක් හේතුවෙන් රුහුණු සරසවියේ මාපලාන කෘෂි පීඨයේ ඉගැන්වීම් online ක්‍රමයට

රුහුණු විශ්වවිද්‍යාලයේ කඹුරුපිටිය මාපලාන කෘෂිකර්ම පීඨයේ සිසුන් අතර සීග්‍රයෙන් පැතිරෙන උණ රෝගයක් හේතුවෙන් පන්ති පැවැත්වීම මාර්ගගත ක්‍රමය ඔස්සේ පමණක් සිදු කිරීමට එහි අධ්‍යයන සභාව තීරණය කර තිබෙනවා.

ඒ හේතුවෙන් අවසන් වසරේ සිසුන් හැර බොහෝ පිරිසක් නිවෙස් වෙත අද පස්වරුවේ පිටත් කර හැරීමටයි පාලන අධිකාරිය කටයුතු කර ඇත්තේ.

මේ අතර බොහෝ සිසුන්ට ක්ලාන්තය, වමනය හා උදර වේදනාව නිසා විශ්වවිද්‍යාල වෛද්‍ය සභාවේ තීරණයක් මත රෝගය ව්‍යාප්තවීම වැළැක්වීම සදහා ආරක්ෂිත ක්‍රමවේදයක් ලෙස මෙම පියවර ගත් බවත්, ඉදිරි සතියේ තත්ත්වය පාලනය වූ වහාම සුපුරුදු ලෙස දේශන කටයුතු ආරම්භ කිරීමට හැකි වනු ඇතැයි අපේක්ෂා කරන බවත් පැවසෙනවා.

කෙසේ වෙතත් සිසුන් ත්‍රීරෝද රථවලින් ගොස් ප්‍රතිකාර ලබාගෙන යළි සිය නේවාසිකාගාරවලට යන අයුරු කැමරාවේ සටහන් වුණා.
Related recommendation
Hiru TV News | Programmes