International04 November 2026

අමෙරිකානු සෙනෙට් මණ්ඩලයට තේරී පත් වූ පළමු මුස්ලිම් ජාතිකයා ලෙස අබ්දුල් එල්-සයඩ් ඉතිහාසයට එක්වෙයි

අමෙරිකානු සෙනෙට් මණ්ඩලයට තේරී පත් වූ පළමු මුස්ලිම් ජාතිකයා ලෙස, ඩිමොක්‍රටික් පක්ෂය නියෝජනය කරමින් මිචිගන් ප්‍රාන්තයෙන් තරග වැදුණු අබ්දුල් එල්-සයියෙඩ් අමෙරිකානු ඉතිහාසයට එක්ව තිබෙනවා.

ප්‍රගතිශීලී ඩිමොක්‍රටික් පක්ෂ සාමාජිකයෙකු වන අබ්දුල් එල්-සායඩ් (Abdul El-Sayed), දැඩි තරගකාරී මැතිවරණයකින් පසු රිපබ්ලිකන් පක්ෂයේ මයික් රොජර්ස් (Mike Rogers) පරාජය කරමින් මිචිගන් හි හිස්ව පැවති සෙනෙට් ධුරය දිනා ගැනීමට සමත්ව වුණා.

මේ හරහා ඔහු අමෙරිකා එක්සත් ජනපද ඉතිහාසයේ පළමු මුස්ලිම් සෙනෙට් මන්ත්‍රීවරයා ලෙස වාර්තා අතරට එක්වනවා.

ඊජිප්තු සංක්‍රමණිකයකුගේ පුත්‍රයෙකු වන එල්-සායඩ්, මීට පෙර කිසිදු තේරී පත් වූ ධුරයක් හොබවා නොමැති මහජන සෞඛ්‍ය නිලධාරියෙක්.

විශ්වීය සෞඛ්‍ය සේවය, මැතිවරණ සඳහා බාහිර මුදල් යෙදවීම වැළැක්වීම සහ ඊශ්‍රායලය දැඩි ලෙස විවේචනය කිරීම වැනි ප්‍රතිපත්ති මුල් කරගනිමින් ඔහු මෙම ජයග්‍රහණය ලබා ගත් බවයි සඳහන්.

ඇලෙක්සැන්ඩ්‍රියා ඔකාසියෝ-කොර්ටෙස් (Alexandria Ocasio-Cortez) ඇතුළු ප්‍රගතිශීලී නායකයින්ගේ සහය ලැබූ ඔහුගේ මෙම ජයග්‍රහණය, 2028 ජනාධිපතිවරණයට පෙර පක්ෂයේ වාම අංශයේ බලය තහවුරු කිරීමට මහත් රුකුලක් වනු ඇති බවයි වාර්තා වන්නේ.
Related recommendation
Hiru TV News | Programmes