General05 November 2026

පුද්ගලයෙකුගේ මාසික අවම වියදම රු. 17,742ක් දක්වා ඉහළට

ජනලේඛන හා සංඛ්‍යාලේඛන දෙපාර්තමේන්තුව විසින් නිකුත් කළ සැප්තැම්බර් මාසයට අදාළ නිල ජාතික දරිද්‍රතා රේඛාවට අනුව එක් පුද්ගලයෙකුගේ මාසික අවම වියදම රුපියල් 17,742 ක් දක්වා ඉහළ ගොස් තිබෙනවා.

දරිද්‍රතා රේඛාව යනු මූලික අවශ්‍යතා සපුරා ගැනීම සඳහා එක් පුද්ගලයෙකුට මසකට අවශ්‍ය වන අවම වියදමයි.

සැප්තැම්බර් මාසයේදී ඉහළම දරිද්‍රතා රේඛාව කොළඹ දිස්ත්‍රික්කයෙන් වාර්තා වූ අතර, ඒ අනුව එක් පුද්ගලයෙකුගේ මාසික අවම වියදම රුපියල් 19,136ක්. ඊට අමතරව ගම්පහ දිස්ත්‍රික්කයේ මාසික අවම වියදම 19,037ක් සහ කළුතර දිස්ත්‍රික්කයේ රුපියල් 18,624ක් ලෙස වාර්තා වුණා.

මේ අතර, අඩුම දරිද්‍රතා රේඛාව මොනරාගල දිස්ත්‍රික්කයෙන් වාර්තා වූ අතර, එය රුපියල් 16,965ක්.
Related recommendation
Hiru TV News | Programmes