Business16 October 2026

දෙරට අතර වෙළඳ සහ ආයෝජන වඩාත් පහසු කරමින් චීන යුවාන් (RMB) ගෙවීම් පියවීම් බැංකුව ශ්‍රී ලංකාවේදී විවෘත වෙයි

ශ්‍රී ලංකාව සහ චීනය අතර මූල්‍ය සබඳතා සහ ද්වීපාර්ශ්වික සහයෝගීතාව තවදුරටත් ශක්තිමත් කරමින්, ශ්‍රී ලංකාවේ චීන යුවාන් (RMB) ගෙවීම් පියවීම් බැංකුව (RMB Clearing Bank) නිල වශයෙන් විවෘත කිරීමේ උත්සවය කොළඹ පුද්ගලික හෝටලයකදී පවත්වනු ලැබුවා.

චීන බැංකුවේ කොළඹ ශාඛාව (Bank of China Colombo Branch) විසින් මෙම සුවිශේෂී උත්සවය සංවිධානය කර තිබෙනවා.

"අවස්ථා සම්බන්ධ කරමින්, අනාගතය යා කිරීම" (Bridging Opportunities, Connecting Futures) යන තේමාව යටතේ පැවැති මෙම උත්සවය සඳහා දෙරටේම ප්‍රමුඛ පෙළේ රාජ්‍ය තාන්ත්‍රිකයින්, මූල්‍ය ක්ෂේත්‍රයේ ප්‍රධාන නිලධාරීන් සහ ආරාධිත අමුත්තන් රැසක් සහභාගී වී සිටියා.

මෙහිදී ශ්‍රී ලංකාවේ RMB Clearing Bank සේවාව නිල වශයෙන් ආරම්භ කිරීම සිදු කෙරුණු අතර, චීන යුවාන් මුදල් ගනුදෙනු පියවීම් ක්‍රියාවලිය පිළිබඳ හැඳින්වීමේ වීඩියෝවක් මෙන්ම විශේෂ පැහැදිලි කිරීමක් ද ඉදිරිපත් කරන ලදී.

මෙම නව පියවීම් බැංකු පහසුකම ස්ථාපිත වීමත් සමඟ ශ්‍රී ලංකාව සහ චීනය අතර පවතින වෙළඳ, ආයෝජන සහ මූල්‍ය සම්බන්ධතා වඩාත් පහසු, වේගවත් මෙන්ම කාර්යක්ෂම වනු ඇති බවටයි අපේක්ෂා කෙරෙන්නේ.
Related recommendation
Hiru TV News | Programmes