පාකිස්ථාන තුන්කොන් එක්දින තරගාවලියට යන ශ්‍රී ලංකා සංචිතය නම් කරයි: කුසල් මෙන්ඩිස්ට නායකත්වය

පාකිස්ථානයේ පැවැත්වීමට නියමිත තුන්කොන් එක්දින ක්‍රිකට් තරගාවලිය (ODI Tri-Nation Series) සඳහා සහභාගී වන 16 දෙනෙකුගෙන් යුත් ශ්‍රී ලංකා එක්දින සංචිතය ශ්‍රී ලංකා ක්‍රිකට් තේරීම් කමිටුව විසින් ප්‍රකාශයට පත්කර තිබෙනවා.

ඒ අනුව, පාකිස්ථානය, එංගලන්තය සහ ශ්‍රී ලංකාව අතර පැවැත්වෙන මෙම එක්දින තුන්කොන් තරගාවලියේදී ශ්‍රී ලංකා කණ්ඩායමේ නායකත්වය කුසල් මෙන්ඩිස් විසින් හොබවනු ලබනවා.

කෙසේ වෙතත්, ආරම්භක පිතිකරු පැතුම් නිශ්ශංක තරගාවලිය සඳහා එක්වන්නේ ඔහු ශාරීරිකව යෝග්‍ය තත්ත්වයේ පසුවන බවට වෛද්‍ය තහවුරු කිරීම් ලැබුණහොත් පමණක් බව ශ්‍රී ලංකා ක්‍රිකට් ආයතනය විශේෂ සටහනක් තබමින් සඳහන් කරන්නේ.

ඒ අනුව ශ්‍රී ලංකා එක්දින සංචිතය ලෙස, පැතුම් නිශ්ශංක, අවිශ්ක ප්‍රනාන්දු, කමිල් මිෂාර, කුසල් මෙන්ඩිස් (නායක), පවන් රත්නායක, සහන් ආරච්චිගේ, කමිඳු මෙන්ඩිස්, ජනිත් ලියනගේ, දසුන් ශානක, දුනිත් වෙල්ලාලගේ, මහීෂ් තීක්ෂණ, සචින්ද කොළඹගේ, දුෂ්මන්ත චමීර, අසිත ප්‍රනාන්දු, දිල්ෂාන් මධුශංක සහ එෂාන් මාලිංග නම් කර තිබෙනවා.