நாடளாவிய ரீதியில் பல பகுதிகளில் ஏற்பட்டுள்ள மின்சாரத் தடைகளை விரைவாகச் சீரமைக்க நடவடிக்கை எடுக்கப்பட்டு வருவதாக மின்சாரத்துறை பிரதி அமைச்சர் அர்காம் இலியாஸ் தெரிவித்துள்ளார். தேசிய மின் கட்டமைப்பில் ஏற்பட்ட திடீர் தொழில்நுட்பப் பிரச்சினை காரணமாக நாட்டின் பல பகுதிகளில் திடீரென மின்சார விநியோகத்தில் தடை ஏற்பட்டுள்ளதாக தெரிவிக்கப்படுகிறது.
தற்போது விளக்கமறியலில் வைக்கப்பட்டுள்ள நாடாளுமன்ற உறுப்பினர் நாமல் ராஜபக்சவின் பிரத்தியேக செயலாளர் சஞ்சய் சமரசிங்கவின் வீட்டில் காணப்பட்ட பாதுகாப்புப் பெட்டியொன்று, கையூட்டல் மற்றும் ஊழல் ஒழிப்பு ஆணைக்குழுவின் அதிகாரிகளால் பொறுப்பேற்கப்பட்டுள்ளது. கல்கிஸ்ஸையில் அமைந்துள்ள குறித்த வீட்டில், கையூட்டல் மற்றும் ஊழல் ஒழிப்பு ஆணைக்குழு, காவல்துறை மற்றும் காவல்துறை விசேட அதிரடிப் படையினர் இணைந்து சோதனை நடவடிக்கையை முன்னெடுத்துள்ளனர்.நேற்று (16) இரவு சுமார் 10.30 மணியளவில் ஆரம்பமான இந்தச் சோதனை, இன்று (17) அதிகாலை சுமார் 4.30 மணி வரை நீடித்ததாகத் தெரிவிக்கப்பட்டுள்ளது.இதன்போது, வீட்டில் காணப்பட்ட பாதுகாப்புப் பெட்டியை ஆணைக்குழுவின் அதிகாரிகள் தமது பொறுப்பில் எடுத்துள்ளதாகத் தகவல்கள் தெரிவிக்கின்றன.எனினும், குறித்த பாதுகாப்புப் பெட்டியில் என்ன இருந்தது என்பது தொடர்பான மேலதிக தகவல்கள் இதுவரை வெளியிடப்படவில்லை.
தென்கொரியாவின் இரண்டாவது பெரிய நகரமான பூசான் (Busan) நகரில், துறைமுகத்திற்கு அருகிலுள்ள கால்வாய் ஒன்றில் சிக்கியுள்ள சுமார் 10 அடி நீளமுடைய பெண் சுறா ஒன்று அந்த நாட்டில் பெரும் கவனத்தை ஈர்த்துள்ளது. சுமார் ஒரு மாதத்திற்கு முன்னர், பூசானில் அமைந்துள்ள புக்ஹாங் நீர்முனைப் பூங்காவிற்கு (Bukhang Waterfront Park) அருகிலுள்ள கால்வாயில் இந்தச் சுறா முதன்முதலில் அவதானிக்கப்பட்டுள்ளது.அதனைத் தொடர்ந்து, அது காணப்படும் இடத்தின் பெயரை அடிப்படையாகக் கொண்டு ‘புகாங்கி’ (Bukangi) எனப் பெயரிடப்பட்டுள்ளதாக சர்வதேச ஊடகங்கள் தெரிவிக்கின்றன.இந்தச் சுறாவைக் காண்பதற்காக நாட்டின் பல்வேறு பகுதிகளிலிருந்து அதிகமானோர் வருகை தந்துள்ளதாக அதிகாரிகள் தெரிவித்துள்ளனர். அவர்களில் தென்கொரிய ஜனாதிபதியும் அடங்குவதாகக் கூறப்படுகிறது.இதற்கிடையில், இந்தச் சுறா பூசான் நகரின் கௌரவத் தூதராகவும் பெயரிடப்பட்டுள்ளது. இந்த நிலையில், கால்வாயில் சிக்கியுள்ள சுறாவை மீண்டும் கடலுக்குள் அனுப்புவதற்காகக் கடலோரக் காவல்படையினரும் தீயணைப்புத் துறையினரும் பல்வேறு முயற்சிகளை மேற்கொண்டுள்ளனர்.எனினும், அதற்காகப் பயன்படுத்தப்பட்ட தடுப்புகள் மற்றும் பொறிகள் வெற்றியளிக்காததைத் தொடர்ந்து, அந்த நடவடிக்கைகள் தற்காலிகமாக நிறுத்தப்பட்டுள்ளன. இதனால், சுறா தானாகவே கடலுக்குத் திரும்பும் என அதிகாரிகள் நம்பிக்கை வெளியிட்டுள்ளனர்.நவம்பர் மாதத்திற்குள் நீரின் வெப்பநிலை கணிசமாகக் குறைவதற்கு முன்னர் சுறா கடலுக்குத் திரும்ப வேண்டியது அவசியம் என நிபுணர்கள் சுட்டிக்காட்டியுள்ளனர்.அவ்வாறு கடலுக்குத் திரும்பத் தவறினால், கடுமையான குளிரால் அதன் உயிருக்கு ஆபத்து ஏற்படக்கூடும் என்றும் அவர்கள் எச்சரித்துள்ளனர்.
பிரபல இசையமைப்பாளர் தேவா காலமானதாக இந்திய ஊடகங்கள் செய்தி வெளியிட்டுள்ளன.உடல்நலக்குறைவால் அவர் காலமானதாக இந்திய ஊடகங்கள் செய்தி வெளியிட்டுள்ளன.தமிழ் சினிமாவில் முன்னணி இசையமைப்பாளர்களில் ஒருவராக திகழ்ந்தவர் தேவா, மனசுக்கேத்த மகராசா என்ற படத்தின் மூலம் 1989ம் ஆண்டு இசையமைப்பாளராக அறிமுகமானார்.அண்ணாமலை, பாட்ஷா உட்பட 450 படங்களுக்கு இசையமைத்துள்ளார்.ரஜினி, கமல், விஜய், அஜித் உள்ளிட்டோருக்கு பல வெற்றிப் பாடல்களை கொடுத்துள்ளார்.மேலும் தமிழ் சினிமாவில் கானா பாடல்களை அறிமுகப்படுத்தியவர் தேவா ஆவார்.தன்னுடைய குரல் மற்றும் இசையினால் தனக்கென்று ஒரு ரசிகர் பட்டாளத்தை உருவாக்கிக் கொண்டவர்.கடந்த சில தினங்களாக வயோதிகம் மற்றும் உடல்நலக்குறைவால் பாதிக்கப்பட்டிருந்த தேவா, சிகிச்சைக்காக சென்னையில் உள்ள தனியார் மருத்துவமனையில் இன்று திடீரென அனுமதிக்கப்பட்டார்.அங்கு சிகிச்சை பலனளிக்காமல் காலமானார்.அவரது மறைவுக்கு திரையுலகினர் மற்றும் அரசியல் பிரபலங்கள் இரங்கல் தெரிவித்து வருகின்றனர்.
சர்வதேச வறுமை ஒழிப்பு தினம் இன்று (17) அனுஷ்டிக்கப்படுகிறது. இவ்வாண்டுக்கான கருப்பொருளாக “அனைவருக்கும் பாதுகாப்பான வீடுகள்” என்பது தெரிவு செய்யப்பட்டுள்ளது. வறுமை என்பது இன்றைய உலகம் எதிர்கொள்ளும் முக்கியமான சமூகப் பிரச்சினையாக மாறியுள்ளது. ஐக்கிய நாடுகள் சபையின் அறிக்கைகளின்படி, உலகளவில் சுமார் 700 மில்லியன் மக்கள் வறுமையில் வாழ்கின்றனர். இவர்களில் அதிக எண்ணிக்கையிலானோர் துணை சஹாரா ஆபிரிக்கப் பிராந்தியத்தில் வசிக்கின்றனர். வறுமையால் பாதிக்கப்பட்ட பலர் ஆயுத மோதல்கள் மற்றும் அரசியல் ஸ்திரமற்ற சூழ்நிலைகளுக்கு மத்தியில் வாழ்ந்து வருவதாகவும் தெரிவிக்கப்படுகிறது. இதேவேளை, 2022ஆம் ஆண்டு ஏற்பட்ட கடுமையான பொருளாதார நெருக்கடியைத் தொடர்ந்து இலங்கையிலும் வறுமை மீண்டும் வேகமாக அதிகரித்துள்ளது. உலக வங்கியின் மதிப்பீடுகளின்படி, இலங்கையின் மொத்த சனத்தொகையில் சுமார் 24 சதவீதமானோர் தொடர்ந்தும் வறுமையால் பாதிக்கப்பட்டுள்ளனர்.
