කළුතර නගරය අලංකාර කිරීමේ ව්‍යාපෘතියක්

%E0%B6%9A%E0%B7%85%E0%B7%94%E0%B6%AD%E0%B6%BB+%E0%B6%B1%E0%B6%9C%E0%B6%BB%E0%B6%BA+%E0%B6%85%E0%B6%BD%E0%B6%82%E0%B6%9A%E0%B7%8F%E0%B6%BB+%E0%B6%9A%E0%B7%92%E0%B6%BB%E0%B7%93%E0%B6%B8%E0%B7%9A+%E0%B7%80%E0%B7%8A%E2%80%8D%E0%B6%BA%E0%B7%8F%E0%B6%B4%E0%B7%98%E0%B6%AD%E0%B7%92%E0%B6%BA%E0%B6%9A%E0%B7%8A

පළාත් පාලන සතියට සමගාමීව, කළුතර එක්සත් වෙළඳ සංගමය විසින් කළුතර නගරය අලංකාර කිරීමේ ව්‍යාපෘතියක් ආරම්භ කර තිබේ.

මෙම වැඩසටහන යටතේ කළුතර සිරිකුරුස මංසන්ධියේ සිට කටුකුරුන්ද මංසන්ධිය දක්වා වූ ගාලු පාරේ මල් පෝච්චි 100 ක් ස්ථාපනය කිරීමට කටයුතු යොදා ඇත.

ව්‍යාපෘතිය ආරම්භ කිරීම සනිටුහන් කරමින්, ජාතික ජනබලවේගයේ කළුතර නාගරික මන්ත්‍රී, ප්‍රවීණ රංගන ශිල්පිනී දීපානි සිල්වා මහත්මිය සහ සමගි ජනබලවේගයේ නාගරික මන්ත්‍රී එස්.ඒ.ඩී. නිලන්ත මහතා විසින් මල් පැළ සිටුවනු ලැබූහ.

මෙම අවස්ථාවට කළුතර නගරාධිපති ධනුජ් සෝමරත්න, කළුතර නාගරික කොමසාරිස් පියුමාලි කුලරත්න, කළුතර මහ නගර සභාවේ ලේකම් කේ.එම්. අබේසේකර, කළුතර එක්සත් වෙළඳ සංගමයේ සභාපති රංග මනෝජ් සහ ලේකම් මහේන්ද්‍ර පෙරේරා යන මහත්වරුන් ඇතුළු පක්ෂ විපක්ෂ නාගරික මන්ත්‍රීවරුන් සහ සංගමයේ සාමාජික සාමාජිකාවෝ රැසක් සහභාගී වූහ.