රක්ෂිත බන්ධනාගාරගත කර සිටින පාර්ලිමේන්තු මන්ත්‍රී නාමල් රාජපක්ෂගේ පෞද්ගලික ලේකම් සංජේ සමරසිංහගේ ගල්කිස්ස පිහිටි නිවස අල්ලස් හෝ දූෂණ චෝදනා විමර්ශන කොමිෂන් සභාව, පොලිසිය සහ පොලිස් විශේෂ කාර්ය බලකාය එක්ව සෝදිසියට ලක් කර ඇති බව හිටපු ජනාධිපති මහින්ද රාජපක්ෂගේ මාධ්‍ය ප්‍රකාශක නීතිඥ මනෝජ් ගමගේ ප්‍රකාශ කරනවා.ඊයේ (16) රාත්‍රී 10.30 පමණ ආරම්භ වූ මෙම සෝදිසි කිරීම අද (17) අලුයම 4.30 පමණ වන තෙක් පැවති බවත්, නිලධාරීන් විසින් මුළු නිවසම පරීක්ෂාවට ලක් කරමින් ප්‍රකාශ සටහන් කරගෙන ඇති බවත් නීතිඥ මනෝජ් ගමගේ සඳහන් කළා.කෙසේ වෙතත්, මෙම පරීක්ෂාව සිදුකිරීමට හේතුව හෝ ඒ සම්බන්ධයෙන් නිල වශයෙන් වැඩිදුර තොරතුරු ලබාදීමට ආයතන කටයුතු කර නොමැති බවත්, ඒ පිළිබඳව දහවල් වන විට වැඩිදුර තොරතුරු අනාවරණය කරන බවත් නීතිඥවරයා වැඩිදුරටත් සඳහන් කරනු ලැබුවා.

කඩිගමුව දුම්රිය ස්ථානය ආසන්නයේ දුම්රිය මාර්ගයට පස් කන්දක් කඩා වැටීම හේතුවෙන් පොල්ගහවෙල සිට ගම්පොළ දක්වා සහ ගම්පොළ සිට කොළඹ කොටුව දක්වා ධාවනය වන දුම්රිය ගමනාගමන කටයුතුවලට බාධා එල්ල වී ඇති බව දුම්රිය දෙපාර්තමේන්තුව පවසනවා.පවතින අයහපත් කාලගුණික තත්ත්වයත් සමඟ මෙම පස් කන්ද දුම්රිය මාර්ගයට කඩා වැටී ඇති අතර, ඒ හේතුවෙන් උඩරට මාර්ගයේ දුම්රිය ධාවනය ප්‍රමාද වී තිබෙනවා.දුම්රිය මාර්ගයට පතිත වී ඇති පස් සහ ගල් ඉවත් කර මාර්ගය යථා තත්ත්වයට පත් කිරීම සඳහා මේ වනවිටත් කටයුතු කරමින් පවතින බවයි එම දෙපාර්තමේන්තුව සඳහන් කළේ.

විදුලි සැපයුමෙන් සියයට 50කට වැඩි ප්‍රමාණයක් මේ වනවිට යථා තත්ත්වයට පත් කර ඇති බව ජාතික පද්ධති පාලන සමාගම පවසනවා.