කතරගම දේවාලයේ මුදල් හොරකම් කරන්න බැරි සිස්ටම් එක හැදුවා

තමන් ධූරය දැරූ කාලය තුළ නැවතත් කිසිවෙකුට කතරගම දේවාලයේ මුදල් වංචා කළ නොහැකි ලෙස ක්‍රමවේදය වෙනස් කළ බව රුහුණු මහා කතරගම දේවාලයේ හිටපු බස්නායක නිලමේ ඩිෂාන් ගුණසේකර පවසනවා.

ඩිෂාන් ගුණසේකර දැරූ රුහුණු මහා කතරගම දේවාලයේ බස්නායක නිලමේ ධූරයේ නිල කාලය අද (23) දින අවසන් වී තිබෙනවා.

ඒ අනුව මේ වන විට දෛනිකව දේවාලයේ ආදායම දේවාලයේ වෙබ් අඩවියේ යාවත්කාලීන වන අතර එය ඕනෑම අයකුට දැක බලා ගත හැකි බවයි ඩිෂාන් ගුණසේකර පවසා සිටියේ.

එම විනිවිදභාවය රටේ සෙසු ආයතනවලත් ස්ථාපිත කළ හැකි නම් එය ඉතා වටිනා බව ද ඔහු වැඩිදුරටත් සඳහන් කර සිටියා.

තමන් භාරගන්නා විට දේවාලයේ ආදායම මිලියන 50 ක්ව පැවැති බවත්, මේ වසර වන විට එය අට ගුණයකින් වැඩි වී මිලියන 400ක් බවට පරිවර්තනය වී ඇති බවත් ඔහු වැඩිදුරටත් සඳහන් කළා.

ඒ අනුව තමන් හට විශාල පින්කම් රැසක් පසුගිය කාලය පුරාවටම සිදු කර ගැනීමට හැකියාවක් සැලසුණු බවයි ඔහු වැඩිදුරටත් සිහිපත් කරසිටියේ.