උඩරට මාර්ගයේ දුම්රිය ගමනාගමනයට තවදුරටත් බාධා

උඩරට මාර්ගයේ අද (21) උදෑසන ධාවනය කිරිමට නියමිතව තිබෙන ගමන් වාර 04ක් අවලංගු කර තිබෙනවා.

ඒ, පවතින අධික වර්ෂාපතනයත් සමග ඉහළ කෝට්ටේ දුම්රිය ස්ථානය ආසන්නයේ පස් කන්දක් කඩා වැටීම නිසා දුම්රිය මාර්ගය තවදුරටත් අවහිරවීම හේතුවෙන්.

මේ අනුව, මහනුවර හා මාතලේ සිට කොළඹ කොටුව හා මාතර බලා ධාවනය වන දුම්රිය ගමන් වාර 4ක් මෙලෙස අවලංගු කර තිබෙනවා.

එමෙන්ම, මාර්ගය අවහිර වීම හේතුවෙන් ඊයේ රාත්‍රියේ ධාවනය වීමට නියමිතව තිබූ රාත්‍රි තැපැල් දුම්රිය ඇතුළු දුම්රිය ගමන්වාර 07ක් ද අවලංගු කෙරුණා.