සැප ගමනකට තවත් මෙට්‍රෝ බස් නැවක් අද කොළඹට

මෙරට මගී ප්‍රවාහන සේවාව තවදුරටත් ක්‍රමවත් සහ විධිමත් කිරීමේ අරමුණින් ආනයනය කළ නව මෙට්‍රෝ බස් රථ 106 ක් රැගත් නෞකාවක් අද (29) කොළඹ වරාය වෙත ළගාවීමට නියමිතව තිබෙනවා.

ඒ අනුව, නැගෙනහිර පර්යන්තය වෙත අද පස්වරුවේ මෙම නෞකාව ළගාවීමට නියමිත බවයි වරාය හා ගුවන් සේවා අමාත්‍යාංශය සඳහන් කළේ.

මෙම බස් රථවල තාක්ෂණික පරීක්ෂණ සහ ලියාපදිංචි කටයුතු අවසන් වීමෙන් පසු ශ්‍රී ලංකා ගමනාගමන මණ්ඩලය විසින් මාර්ගවල ධාවනයට එක්කරනු ඇති.