ශිරාන් බාසික්ගේ සියලු බැංකු ගිණුම් පරීක්ෂා කිරීමට නියෝග

ප්‍රබල මත්ද්‍රව්‍ය ජාවාරම්කරුවෙකු බව කියන ශිරාන් බාසික්ට අයත් සියලු බැංකු ගිණුම් පරීක්ෂා කරන්නැයි පොලිස් මූල්‍ය අපරාධ විමර්ශන කොට්ඨාසයට අධිකරණය නියෝග කර තිබෙනවා.

ඒ, ඔහු සම්බන්ධයෙන් පොලිසිය ඊයේ (19) අධිකරණයට කරුණු ඉදිරිපත් කළ අවස්ථාවේදීයි.

මේ වන විට ශිරාන් බාසික් නමැත්තා ත්‍රස්තවාදය වැළැක්වීමේ පනත යටතේ මධ්‍යම අපරාධ විමර්ශන කාර්යාංශයේ රඳවා ප්‍රශ්න කරනවා.

ප්‍රබල මත්ද්‍රව්‍ය ජාවාරම්කරුවෙකු බව කියන ශිරාන් බාසික් ඉකුත් මාර්තු මාසයේදී ඩුබායිහීදී අත්අඩංගුවට ගැනීමෙන් අනතුරුව පසුගිය 14 වැනිදා මෙරටට රැගෙන එනු ලැබුවා.