ඉන්දියාවෙන් පළමු ඉනිමට ලකුණු 503ක දැවැන්ත ඉලක්කයක්

%E0%B6%89%E0%B6%B1%E0%B7%8A%E0%B6%AF%E0%B7%92%E0%B6%BA%E0%B7%8F%E0%B7%80%E0%B7%99%E0%B6%B1%E0%B7%8A+%E0%B6%B4%E0%B7%85%E0%B6%B8%E0%B7%94+%E0%B6%89%E0%B6%B1%E0%B7%92%E0%B6%B8%E0%B6%A7+%E0%B6%BD%E0%B6%9A%E0%B7%94%E0%B6%AB%E0%B7%94+503%E0%B6%9A+%E0%B6%AF%E0%B7%90%E0%B7%80%E0%B7%90%E0%B6%B1%E0%B7%8A%E0%B6%AD+%E0%B6%89%E0%B6%BD%E0%B6%9A%E0%B7%8A%E0%B6%9A%E0%B6%BA%E0%B6%9A%E0%B7%8A

ශ්‍රී ලංකාව සහ සංචාරක ඉන්දීය කණ්ඩායම අතර කොළඹ පී. සරවණමුත්තු / SSC (Sinhalese Sports Club) ක්‍රීඩාංගණයේ පැවැත්වෙන දෙවන ටෙස්ට් ක්‍රිකට් තරගයේ දෙවන දිනය නිමාවීමට පෙර, සිය පළමු ඉනිම ක්‍රීඩා කළ ඉන්දීය කණ්ඩායම කඩුලු 9ක් දැවී ලකුණු 503ක් ලබා සිටියදී ඉනිම අත්හිටුවීමට (Declare) තීරණය කළා.

කාසිය වාසිය දිනා පළමුවෙන් පන්දුවට පහරදුන් ඉන්දීය කණ්ඩායම වෙනුවෙන් පිටියට පිවිසි දෙව්දත් පඩික්කල් (Devdutt Padikkal) අලංකාර ඉනිමක් ක්‍රීඩා කරමින් ලකුණු 117ක් රැස් කළ අතර, පන්දු 193කට මුහුණ දුන් ඔහුගේ ඉනිමට හතරේ පහර 12ක් ඇතුළත්.

ඉන්දීය ඉනිමේ පහළ පෙළ සබඳතාව අතිශය ශක්තිමත් කළ කඩුලු රකින ක්‍රීඩක ධෲව් ජුරෙල් (Dhruv Jurel) නොදැවී විශිෂ්ට ලකුණු 115ක් (පන්දු 177, හතරේ පහර 9, හයේ පහර 2) ලබා ගනිමින් ඉන්දියාව ලකුණු 500 සීමාවෙන් ඔබ්බට ගෙන යාමට ප්‍රධානතම දායකත්වය ලබා දුන්නා.

තරගයේ පළමු දිනයේදී ලකුණු 3ක් ලබා සිටියදී ආබාධයකට ලක්ව (Retired Hurt) පිටියෙන් ඉවත් වූ රිෂාබ් පන්ට් (Rishabh Pant) නැවතත් පිටියට පිවිස ප්‍රහාරාත්මක ලකුණු 63ක් (පන්දු 89, හතරේ පහර 6, හයේ පහර 2) රැස් කළා.

ඊට අමතරව ආරම්භක පිතිකරු යශස්වි ජයිස්වාල් ලකුණු 45ක් (පන්දු 53) සහ නායක ශුබ්මන් ගිල් ලකුණු 50ක් (පන්දු 108) ලබා ගනිමින් ඉනිමට සාර්ථක පදනමක් දැමූ අතර, රවීන්ද්‍ර ජඩේජා ලකුණු 43ක් රැස් කළා.

ඉන්දීය පිතිකරුවන් හමුවේ ශ්‍රී ලංකා වේගපන්දු යවන ක්‍රීඩක අසිත ප්‍රනාන්දු සටන්කාමී පන්දු යැවීමක නිරත වෙමින් ඕවර 29කදී ලකුණු 106කට කඩුලු 3ක් (යශස්වි ජයිස්වාල්, ශුබ්මන් ගිල් සහ රවීන්ද්‍ර ජඩේජා) දවා ගැනීමට සමත් වුණා.

ඊට අමතරව වමත් දඟපන්දු යවන ප්‍රභාත් ජයසූරිය (2/132) සහ කේෂර නුවන්ත (2/154) කඩුලු 2 බැගින් බිඳ හෙලූ අතර, ලහිරු කුමාර එක් කඩුල්ලක් දවා ගත්තා.