සමන් රත්නප්‍රිය ගැන විශේෂ විමර්ශනයක්

%E0%B7%83%E0%B6%B8%E0%B6%B1%E0%B7%8A+%E0%B6%BB%E0%B6%AD%E0%B7%8A%E0%B6%B1%E0%B6%B4%E0%B7%8A%E2%80%8D%E0%B6%BB%E0%B7%92%E0%B6%BA+%E0%B6%9C%E0%B7%90%E0%B6%B1+%E0%B7%80%E0%B7%92%E0%B7%81%E0%B7%9A%E0%B7%82+%E0%B7%80%E0%B7%92%E0%B6%B8%E0%B6%BB%E0%B7%8A%E0%B7%81%E0%B6%B1%E0%B6%BA%E0%B6%9A%E0%B7%8A

පුරවැසි බලය සංවිධානයේ කැදවුම්කරු සමන් රත්නප්‍රිය ජාතික ආරක්ෂාවට තර්ජනයක් වන අයුරින් සිදුකළ ප්‍රකාශ පිළිබද පැමිණිල්ල පොලිස් විශේෂ විමර්ශන ඒකකයට යොමුකළ බව පොලිස් මාධ්‍ය ප්‍රකාශක පොලිස් අධිකාරි රුවන් ගුණසේකර සදහන් කළා.

පසුගියදා පැවති මාධ්‍ය හමුවකදී ඔහු රට තුළ අරගලයක් නිර්මාණය වන අන්දමේ ප්‍රකාශ නිකුත් කර ඇති බවට පොලිස් මූලස්ථානයට පැමිණිලි කළේ පිවිතුරු හෙළ උරුමයේ ප්‍රධාන ලේකම් උපුල් විජේසේකරයි.

ඒ අනුව, පොලිස්පති පූජිත ජයසුන්දර එම පැමිණිල්ල විශේෂ විමර්ශන ඒකකයට යොමුකර ඇති අතර අද පැමිණිලිකරුගෙන් ඊට අදාළ දීර්ඝ ප්‍රකාශයක් සහ තවත් ප්‍රකාශ කිහිපයක් සටහන් කරගෙන තිබෙනවා.

අනතුරුව කොළඹ අංක 04 මහේස්ත්‍රාත් අධිකරණය වෙත, පොලීසිය කරුණු දැක්වීමෙන් පසු අධිකරණය නියෝග කර ඇත්තේ අදාළ මාධ්‍ය සාකච්ඡාවේ සංස්කරණය නොකළ දර්ශන රූපවාහිනි නාලිකාවලින් ලබා ගන්නා ලෙසයි.

පොලීසිය මීට අදාළ පැමිණිල්ල ගොනුකර ඇත්තේ සිවිල් හා දේශපාලන අයිතිවාසිකම් පිළිබද ජාත්‍යන්තර සම්මුති පනත සහ දණ්ඩ නීති සංග්‍රහය යටතේයි.

මේ අතර, සමන් රත්නප්‍රිය සිදුකරන ලද ප්‍රකාශයක් සම්බන්ධයෙන් පරීක්ෂණයක් පවත්වන ලෙස ඉල්ලමින් මව්බිම සුරැකීමේ ජාතික සම්මේලනය අද පොලිස් මූලස්ථානයට පැමිණිල්ලක් ගොනු කළා.

සමන් රත්නප්‍රියගේ ප්‍රකාශය සම්බන්ධයෙන් වහාම පරීක්ෂණයක් සිදුකරන ලෙස ඉල්ලමින් මාතෘ භූමි සුරක්ෂා පදනම ද ඊයේ රාත්‍රියේ අපරාධ පරීක්ෂණ දෙපාර්තමේන්තුවට පැමිණිල්ලක් ගොනු කළා.