නව කොරෝනා වෛරසය චීන රසායනාගාරයක් තුළදී නිපදවූවක්ද ?

කොවිඩ් 19 හෙවත් නව කොරෝනා වෛරසය චීනයේ වූහාන් නගරයේ රසායනාගාරයක් තුළදී නිපදවූවක් බවට තොරතුරු ඇතැයි ඇමරිකානු රජයේ රහස්‍ය වාර්තාවක් උපුටා දක්වමින් ෆොක්ස් නිව්ස් වෙබ් අඩවිය වාර්තා කළා.

චීනයේ සිටින වවුල් විශේෂයක ශරීරයේ පවතින මෙම වෛරසය  එම රසායනාගාරය තුළදී මිනිසෙකු වෙත සම්ප්‍රේෂණය කර ඇති බවත්, ඉන් අනතුරුව ඔහු වූහාන් නගරයේ ජනතාව අතරට යැවීමෙන් එය පතුරුවා හැර ඇති බවටත් මෙම වාර්තාව මගින් කරුණු දක්වා තිබෙනවා.

කෙසේ වෙතත් මෙය ජෛව රසායනික ප්‍රහාරයක් නොවන අතර, ඇමරිකාවට වඩා චීනයට වෛරසයක් මගින් එල්ලවිය හැකි බලපෑමක් පාලනය කිරීමේ හැකියාවක් ඇති බවට පෙන්නුම් කිරීමේ උත්සාහයක් බවටත් ෆොක්ස් නිව්ස් වෙබ් අඩවියේ වාර්තාව වැඩිදුරටත් සඳහන් කළා.

කොරෝනා වෛරස ව්‍යාප්තිය ඇරඹි චීනයේ වූහාන් නගරයේ ආසාදිතයන්ට ප්‍රතිකාර කිරීම සඳහා තාවකාලිකව ඉදිකළ රෝහලක් වසා දැමීමට චීන බලධාරීන් පියවර ගෙන තිබෙනවා.

මෙම රෝහලේ ඉදිකිරීම් දින දහයක් තුළ අවසන් කර ඇති අතර, එහි ප්‍රතිකාර ලැබූ අවසන් කොරෝනා ආසාදිතයා ඊයේ පිටව ගොස් තිබූ බවයි විදෙස් මාධ්‍ය වාර්තා කළේ.