රක්ෂිත බන්ධනාගාරගතව අසනීප තත්ත්වයෙන් කොළඹ ජාතික රෝහලේ ප්රතිකාර ලබන හිටපු ජනාධිපති රනිල් වික්රමසිංහ මහතාගේ සුවදුක් බලන්නට වත්මන් අගමැතිනි හරිනි අමරසූරිය මෙනෙවිය පෙරේදා(24) මැදියම් රැයේ රෝහලට ගිය බවට වන පුවත හිරු නිවුස් වෙබ් අඩවියේ පල කරන ලද්දේ රෝහල් ප්රකාශකයකු මගින් එය තහවුරු කර ගැනීමෙන් අනතුරුවය.
මෙරට හා බැඳුණු සමාජ, සංස්කෘතික පරිසරය තුල කවරකුගේ හෝ අසනීපයකදී මෙන්ම මරණයකදී පක්ෂ පාට භේදයකින් තොරව එක්වන සමාජ හා දේශපාලන ක්රමයක් පවතින රටක මෙම සිදුවීමේ කිසිදු වරදක් අපි නොදුටුවෙමු.
නමුත් මෙම පුවත පල වූ සැණින් අගමැති කාර්යාලය මගින් නිවේදනයක් නිකුත් කරන ලද අතර එමගින් අප වෙබ් අඩවියේ පල කළ පුවතේ කිසිදු සත්යතාවයක් නොමැති බව පවසමින් එය ප්රතික්ෂේප කර තිබිණි.
සදාචාරාත්මක මාධ්යයක් ලෙස එලෙස පිළිතුරු දීමේ අයිතියට ගරු කරමින් හිරු වෙබ් අඩවියේ පළවූ පුවතට දුන් ප්රමුඛතාවම ලබා දෙමින් අගමැති ලේකම්වරයාගේ අත්සනින් එවන ලද එම නිවේදනය අපගේ වෙබ් අඩවියේ පල කළෙමු.
ඒ සමගම හිරු වෙබ් අඩවිය මගින් කුමන්ත්රණකාරී ලෙස ව්යාජ පුවතක් සමාජගත කරන්නට උත්සාහ කළ බවට එල්ලවන චෝදනාවද අපි තරයේ ප්රතික්ෂේප කරමු.
එවැනි පටු අරමුණුවලින් යුතුව අප කිසිවිටෙකත් මාධ්ය මෙහෙවරෙහි නොයෙදෙන බව මෙන්ම ජනතාවගේ තොරතුරු දැනගැනීමේ අයිතිය වෙනුවෙන් අප සැමවිටම පෙනී සිටින බවද මෙහිලා අවධාරණය කරමු.
Latest News
අයහපත් කාලගුණයෙන් මියගිය ගණන 07 දක්වා ඉහළට
ප්රදේශ රැසකට මි.මී. 75ට වැඩි තද වැසි
විනිසුරුවරුන්ගේ විශ්රාම වයස දීර්ඝ කිරීම ඇතුළත් ව්යවස්ථා සංශෝධන පනත් කෙටුම්පතට කැබිනට් අනුමැතිය
කඩුගන්නාවෙන් තාවකාලිකව වසා දැමුණු කොළඹ - නුවර පාර ඇරේ
හැටන් - ගිනිගත්හේන සහ හෙම්මාතගම - ගම්පොළ මාර්ග යළි ගමනාගමනයට
ඉකොනොමි පන්තියේ මගීන්ට එමිරේට්ස් ගුවන් සේවයෙන් දැවැන්ත පහසුකම් යාවත්කාලීන කිරීමක්
ගම්පොළ ප්රදේශයේ ගංවතුරින් පවුල් 500ක් අවතැන්: බෝට්ටු 6ක් සූදානම්
හැටන් - ගිනිගත්හේන පාරේ ස්ථාන 5කින් නාය යයි
අම්බුළුවාව හරහා ගම්පොළ - හෙම්මාතගම පාරේ තැන් දෙකක් නායයයි
හැටන් නායයාමෙන් අතුරුදන් වූ තවත් තිදෙනෙකුගේ සිරුරු හමුවෙයි
