"උදව් මග එනවා, දිගටම විරෝධතාවල නිරත වෙන්න" - ට්‍රම්ප්ගෙන් ඉරාන වැසියන්ට පණිවිඩයක්

ඉරාන රජයට එරෙහි විරෝධතාකරුවන් අමතමින් ඇමරිකානු ජනාධිපති ඩොනල්ඩ් ට්‍රම්ප් සෘජු ප්‍රකාශයක් සිදුකර තිබෙනවා.

සමාජ මාධ්‍ය ඔස්සේ සටහනක් තබමින් ඔහු ඉල්ලා සිටින්නේ විරෝධතා නතර නොකර ඉදිරියටම රැගෙන යන ලෙසයි.

"ඉරාන දේශප්‍රේමීනි, දිගටම විරෝධතාවල නිරත වන්න - ඔබේ ආයතනවල බලය අල්ලා ගන්න" යනුවෙන් ජනාධිපතිවරයා එහි සඳහන් කර තිබෙනවා.

විශේෂයෙන්ම ඉරාන වැසියන් දිරිමත් කරමින් ඔහු වැඩිදුරටත් පවසා ඇත්තේ "උදව් එමින් පවතිනවා" (HELP IS ON ITS WAY) යනුවෙන්.

ඉරානයේ අභ්‍යන්තර දේශපාලන අර්බුදයකදී ඇමරිකානු ජනාධිපතිවරයා මෙලෙස ප්‍රසිද්ධියේ සහය පළ කිරීම ජාත්‍යන්තර දේශපාලන ක්ෂේත්‍රයේ දැඩි අවධානයට ලක්ව තිබෙනවා.