අද මධ්‍යම රාත්‍රියේ සිට පෙට්‍රල් වාහනවලට QR යළි ක්‍රියාත්මකයි

පෙට්‍රල් වාහන සඳහා QR කේතයකින් තොරව ඉන්ධන ලබා ගැනීමට ලබා දී තිබූ තාවකාලික සහනය අද (18) මධ්‍යම රාත්‍රියෙන් අවසන් වන බව ලංකා ඛනිජ තෙල් නීතිගත සංස්ථාව පවසනවා.

ඉන් අනතුරුව නැවතත් QR ක්‍රමය ක්‍රියාත්මක බවයි එම සංස්ථාව සඳහන් කරන්නේ.

උත්සව සමය වෙනුවෙන් පසුගිය 11 වැනිදා සිට අද මධ්‍යම රාත්‍රිය දක්වා පෙට්‍රල් වාහන සඳහා QR කේතය නොමැතිව මෙසේ ඉන්ධන ලබා දීමටයි එම සංස්ථාව කටයුතු කළේ.

කෙසේ වෙතත්, ඩීසල් වාහන සඳහා මෙම QR සහනය ක්‍රියාත්මක වූයේ නැහැ.