රු. කෝටි ගණනක ‘අයිස්’ සහ කේරළ ගංජා සමග සැකකරුවෙකු අත්අඩංගුවට

රුපියල් කෝටි ගණන වටිනාකමක් සහිත ‘අයිස්’ (ICE) මත්ද්‍රව්‍ය සහ කේරළ ගංජා තොගයක් සමඟ සැකකරුවෙකු දෙමටගොඩ ප්‍රදේශයේදී අත්අඩංගුවට ගැනීමට පොලිසිය සමත්ව තිබෙනවා.

බස්නාහිර පළාත් උතුර අපරාධ කොට්ඨාසයේ නිලධාරීන්ට ලැබුණු විශේෂ තොරතුරකට අනුව සිදුකළ වැටලීමකදී මෙම මත්ද්‍රව්‍ය තොගය සොයාගෙන ඇති අතර, සැකකරු සන්තකයේ තිබී ‘අයිස්’ මත්ද්‍රව්‍ය කිලෝග්‍රෑම් 39ක්ද, කේරළ ගංජා කිලෝග්‍රෑම් 15ක්ද පොලිසිය විසින් සොයාගෙන තිබෙනවා.

අත්අඩංගුවට ගත් සැකකරු සම්බන්ධයෙන් බස්නාහිර පළාත් උතුර අපරාධ කොට්ඨාසය මඟින් වැඩිදුර විමර්ශන ක්‍රියාත්මක කරන අතර, ඔහු අධිකරණය වෙත ඉදිරිපත් කිරීමට නියමිතයි.