කුවේට් ජාත්‍යන්තර ගුවන් තොටුපළට ඩ්‍රෝන සහ මිසයිල ප්‍රහාරයක්: ගුවන් ගමන් අත්හිටුවයි

කුවේට් ජාත්‍යන්තර ගුවන් තොටුපළේ පර්යන්තයකට එල්ල වූ ඩ්‍රෝන සහ මිසයිල ප්‍රහාර හේතුවෙන් දැඩි දේපළ හානියක් සිදුවී ඇති බව විදෙස් මාධ්‍ය සඳහන් කරනවා.

එසේම ඒ හේතුවෙන් කිහිප දෙනෙකු තුවාල ලබා ඇති බව කුවේට් හමුදාව පවසනවා.

කුවේට් ප්‍රවෘත්ති ඒජන්සිය (KUNA) වාර්තා කර ඇත්තේ, නැවත දැනුම් දෙනතුරු ගුවන් ගමන් අත්හිටුවා ඇති බවත්, අනෙකුත් ගුවන් ගමන් විකල්ප ගුවන් තොටුපළවල් වෙත හරවා යවන බවත්, කුවේට් සිවිල් ගුවන් සේවා අධිකාරිය ද ප්‍රකාශ කළ බවයි.

මෙම ඉරාන ප්‍රහාරය ජාත්‍යන්තර ගුවන් තොටුපළේ ‘T1’ ගොඩනැගිල්ලට එල්ල වී ඇති බව එහි වැඩිදුරටත් සඳහන්.

මූලාශ්‍රය | අල්ජසීරා