රාජ්‍ය සෞඛ්‍ය කළමනාකරණ සහකාර සේවයට තවත් 237 ක්: සම්මුඛ පරීක්ෂණ ජූනි 20 සහ 21 දා

%E0%B6%BB%E0%B7%8F%E0%B6%A2%E0%B7%8A%E2%80%8D%E0%B6%BA+%E0%B7%83%E0%B7%9E%E0%B6%9B%E0%B7%8A%E2%80%8D%E0%B6%BA+%E0%B6%9A%E0%B7%85%E0%B6%B8%E0%B6%B1%E0%B7%8F%E0%B6%9A%E0%B6%BB%E0%B6%AB+%E0%B7%83%E0%B7%84%E0%B6%9A%E0%B7%8F%E0%B6%BB+%E0%B7%83%E0%B7%9A%E0%B7%80%E0%B6%BA%E0%B6%A7+%E0%B6%AD%E0%B7%80%E0%B6%AD%E0%B7%8A+237+%E0%B6%9A%E0%B7%8A%3A+%E0%B7%83%E0%B6%B8%E0%B7%8A%E0%B6%B8%E0%B7%94%E0%B6%9B+%E0%B6%B4%E0%B6%BB%E0%B7%93%E0%B6%9A%E0%B7%8A%E0%B7%82%E0%B6%AB+%E0%B6%A2%E0%B7%96%E0%B6%B1%E0%B7%92+20+%E0%B7%83%E0%B7%84+21+%E0%B6%AF%E0%B7%8F

මෙරට නිදහස් සෞඛ්‍ය සේවාවේ මානව සම්පතේ ගුණාත්මකභාවය සහ කාර්යක්ෂමතාව ඉහළ නැංවීමේ අරමුණින්, රාජ්‍ය සෞඛ්‍ය කළමනාකරණ සහකාර සේවයේ III ශ්‍රේණිය සඳහා 237 දෙනෙකුගෙන් යුත් දෙවන කණ්ඩායමක් බඳවා ගැනීමට කටයුතු සුදානම් කර ඇතැයි සෞඛ්‍ය හා ජනමාධ්‍ය අමාත්‍යාංශය සඳහන් කරනවා.

සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්සගේ උපදෙස් පරිදි මෙම බඳවා ගැනීම් සිදු කෙරෙන අතර, සෞඛ්‍ය හා ජනමාධ්‍ය අමාත්‍යාංශය සහ ඒ යටතේ පවතින රෝහල් හා ආයතනවල පවතින පුරප්පාඩු සම්පූර්ණ කිරීම මින් සිදු කෙරෙන බවයි එම අමාත්‍යාංශය පවසන්නේ.

මාධ්‍ය නිවේදනයක් නිකුත් කරමින් සෞඛ්‍ය අමාත්‍යාංශය සඳහන් කරන්නේ, ඊට අදාළ සම්මුඛ පරීක්ෂණ එළැඹෙන ජූනි මස 20 සහ 21 යන දිනවලදී පැවැත්වීමට සැලසුම් කර ඇති බවයි.

මෙම බඳවා ගැනීම් සිදු කරනු ලබන්නේ ශ්‍රී ලංකා විභාග දෙපාර්තමේන්තුව විසින් 2025.08.31 දින පවත්වන ලද විවෘත තරඟ විභාගයේ ප්‍රතිඵල මත බව ද සෞඛ්‍ය අමාත්‍යාංශය සඳහන් කරනවා.

ඒ අනුව, අදාල ලිඛිත විභාගයෙන් ලකුණු 141 ක් හෝ ඊට වැඩි ප්‍රමාණයක් ලබා ගත් අයැදුම්කරුවන් පමණක් මෙම සම්මුඛ පරීක්ෂණය සඳහා කැඳවනු ලබන බවයි අමාත්‍යාංශය පවසන්නේ.

සුදුසුකම් ලබා ඇති අයැදුම්කරුවන් වෙත සම්මුඛ පරීක්ෂණ කැඳවීම් ලිපි මේ වනවිටත් ලියාපදිංචි තැපෑල මඟින් යොමු කිරීමට කටයුතු කර ඇති අතර, ඒ සම්බන්ධයෙන් වන වැඩිදුර තොරතුරු සෞඛ්‍ය හා ජනමාධ්‍ය අමාත්‍යාංශයේ නිල වෙබ් අඩවියේ (Official Website) පළවන බවයි සඳහන් වන්නේ.

සෞඛ්‍ය කළමනාකරණ සහකාර තනතුර සඳහා 213 දෙනෙකුගෙන් යුත් පළමු කණ්ඩායම පසුගිය ජනවාරි මාසයේ දී බඳවා ගනු ලැබූ අතර, මෙවර බඳවා ගනු ලබන්නේ එහි දෙවන කණ්ඩායම බවයි සෞඛ්‍ය අමාත්‍යාංශය වැඩිදුරටත් පවසන්නේ.