පොලිසියේ කීර්ති නාමයට හානි කළැයි විමර්ශනයක්

ශ්‍රී ලංකා පොලිසියේ කීර්ති නාමයට හානි කරමින් මහා ජනතාව තුළ පොලිසිය කෙරෙහි වෛරය සහ අප්‍රසාදය ඇතිවන අයුරින් සමාජ මාධ්‍ය හරහා සංසරණය ලිඛිත සටහන් සම්බන්ධයෙන් විමර්ශනයක් ආරම්භ කර ඇති බව මධ්‍යම අපරාධ විමර්ශන කොට්ඨාසය කොළඹ ප්‍රධාන මහේස්ත්‍රාත් අසංග එස් බෝදරගම හමුවේ දන්වා සිටියා.

පොලිස් මූලස්ථානය විසින් කරන ලද පැමිණිල්ලකට අදාලව මෙහි විමර්ශන කටයුතු ආරම්භ කළ බවයි නිලධාරීන් අධිකරණයට දන්වා සිටියේ.

සිද්ධිය සම්බන්ධ වැඩිදුරටත් කරුණු දක්වමින් විමර්ශන නිලධාරීන් සඳහන් කළ සිටි ශ්‍රී ලංකා පොලිසියේ කීර්ති නාමයට හානියක් වන අයුරින් සහ මහජනතාව තුළ පොලිසි ස්ථානය කෙරෙහි වෛරය සහ අප්‍රසාදය ඇතිවන අයුරින් සමාජ මාධ්‍ය තුළ ලිඛිත සටහන් සංසරණය වෙමින් පවතින බවයි.

ඉදිරිපත් වූ කරුණු සලකා බැලූ මහේස්ත්‍රාත්වරයා සිද්ධිය සම්බන්ධයෙන් විමර්ශනයක් ආරම්භ කර අධිකරණයට කරුණු වර්තා කරන ලෙස නියෝග කළා.