මීගමුව බන්ධනාගාර ගැටුමේ විමර්ශන CIDයට පවරයි - අධිකරණයෙන් නියෝගයක්

මීගමුව බන්ධනාගාරය තුළ සිදු වු සිද්ධිය සම්බන්ධයෙන් විමර්ශන කටයුතු අපරාධ පරික්ෂන දෙපාර්තමේන්තුවට පවරා ගන්නා බවත් ඊට අවසර ලබා දෙන ලෙසත් අපරාධ පරික්ෂන දෙපාර්තමේන්තුව මීගමුව ප්‍රධාන මහෙස්ත්‍රාත් ශිලනි පෙරේරාගෙන් ඉල්ලිමක් කර තිබෙනවා.

ඊට අවසර ලබා දෙමින් සිද්ධිය සම්බන්ධයෙන් ඉදිරි විමර්ශන කටයුතු සිදුකර අධිකරණයට කරුණු වාර්තා කරන ලෙස මහෙස්ත්‍රාත්වරිය අපරාධ පරික්ෂණ දෙපාර්තමේන්තුවට අද (09) නියෝග කළා.

අපරාධ විධි විධාන සංග්‍රහයේ 125 වන වගන්තිය ප්‍රකාරව සිද්ධිය සම්බන්ධයෙන් ඉදිරි විමර්ශන අපරාධ පරික්ෂණ දෙපාර්තමේන්තුවට පවරා ගන්නා බව එම නිලධාරීන් අධිකරණයට දැනුම් දුන්නා.

පුද්ගලයන් 29 ඝාතනය කිරිම සහ බන්ධනාගාර දේපලවලට කෝටි 12කට ආසන්න අනර්ථයක් සිදු කිරිම යටතේ පරික්ෂණ මෙහෙයවන බවයි එම නිලධාරීන් පවසා සිටියේ.