රට වටේම ජනපති මන්දිරවල නඩත්තු බිල කෝටි 3.5 පනී! : ගිය වසරේ පුද්ගලයන් 3,089කටත් නවාතැන් දීලා

%E0%B6%BB%E0%B6%A7+%E0%B7%80%E0%B6%A7%E0%B7%9A%E0%B6%B8+%E0%B6%A2%E0%B6%B1%E0%B6%B4%E0%B6%AD%E0%B7%92+%E0%B6%B8%E0%B6%B1%E0%B7%8A%E0%B6%AF%E0%B7%92%E0%B6%BB%E0%B7%80%E0%B6%BD+%E0%B6%B1%E0%B6%A9%E0%B6%AD%E0%B7%8A%E0%B6%AD%E0%B7%94+%E0%B6%B6%E0%B7%92%E0%B6%BD+%E0%B6%9A%E0%B7%9D%E0%B6%A7%E0%B7%92+3.5+%E0%B6%B4%E0%B6%B1%E0%B7%93%21+%3A+%E0%B6%9C%E0%B7%92%E0%B6%BA+%E0%B7%80%E0%B7%83%E0%B6%BB%E0%B7%9A+%E0%B6%B4%E0%B7%94%E0%B6%AF%E0%B7%8A%E0%B6%9C%E0%B6%BD%E0%B6%BA%E0%B6%B1%E0%B7%8A+3%2C089%E0%B6%9A%E0%B6%A7%E0%B6%AD%E0%B7%8A+%E0%B6%B1%E0%B7%80%E0%B7%8F%E0%B6%AD%E0%B7%90%E0%B6%B1%E0%B7%8A+%E0%B6%AF%E0%B7%93%E0%B6%BD%E0%B7%8F

2025 වර්ෂය තුළ ජනාධිපති මන්දිර නඩත්තුව සහ අදාළ අනෙකුත් වියදම් වෙනුවෙන් රුපියල් කෝටි 3.5කට (රු. 35,430,429) ආසන්න මුදලක් වැය කර ඇති බව ජාතික විගණන කාර්යාල වාර්තාව සඳහන් කරනවා.

එහිදී, 2025 වර්ෂය තුළ ජනාධිපති මන්දිර 07ක පවත්වා ඇති රැස්වීම් සංඛ්‍යාව 03ක් වන අතර, එහි නවාතැන් ගෙන ඇති පුද්ගලයන් සංඛ්‍යාව 3,089ක්.

මෙම මන්දිර 07 හි දුරකථන, විදුලිය ඇතුළු අනෙකුත් සියලු වියදම් සඳහා රුපියල් 32,982,675ක මුදලක් දරා ඇති බවයි එම වාර්තාවේ දැක්වෙන්නේ.

එමෙන්ම, කතරගම, මහියංගණය සහ බෙන්තොට පිහිටි ජනාධිපති මන්දිරවල කිසිදු රැස්වීමක් හෝ නවාතැන් ගැනීමක් සිදු කර නොමැති අතර, කෙසේ වෙතත්, එම භාවිතයට නොගත් මන්දිර සඳහා ද දුරකථන, විදුලිය ඇතුළු අනෙකුත් නඩත්තු කටයුතු වෙනුවෙන් රුපියල් 2,447,754ක මුළු වියදමක් දරා ඇති බව එම වාර්තාවේ සඳහන්.

ජනපතිවරයා වෙනුවෙන් වෙන් කෙරුණු මන්දිර හතක් කොළඹ කොටුව, මහනුවර, අනුරාධපුර, කතරගම, මහියංගනය, නුවරඑළිය සහ බෙන්තොට යන ප්‍රදේශවල පවතිනවා.

කෙසේ වෙතත්, ජනාධිපති මන්දිරවල පිටස්තර පුද්ගලයන් නවාතැන් ගෙන ඇති බවට පළව ඇති වාර්තා සම්පූර්ණයෙන්ම අසත්‍ය බව ජනාධිපති මාධ්‍ය අංශය විශේෂ නිවේදනයක් නිකුත් කරමින් ප්‍රකාශ කරනවා.

ඒ අනුව, 2025 වර්ෂය තුළ ජනාධිපති මන්දිර පරිශ්‍රයන්හි පිහිටි වෙනත් ගොඩනැගිලිවල නවාතැන් ගෙන ඇත්තේ ආරක්ෂක අංශ, මාධ්‍ය සහ අනෙකුත් අංශවල නිලධාරීන් පමණක් වන අතර, එය ද රාජකාරීමය අවශ්‍යතාවන් වෙනුවෙන් විවිධ අවස්ථාවලදී සිදු වූවක් බවයි ඔවුන් පවසන්නේ.

එහිදී, එම රාජකාරි නිලධාරීන් කිසිවෙකුත් ජනාධිපති මන්දිර තුළ නවාතැන් ගෙන නොමැති බව ජනාධිපති මාධ්‍ය අංශය නිවේදනය මගින් සඳහන් කරනවා.