ජපානයේ කියුෂු කලාපයට රික්ටර් මාපක 7.1ක ප්‍රබල භූමිකම්පාවක්

%E0%B6%A2%E0%B6%B4%E0%B7%8F%E0%B6%B1%E0%B6%BA%E0%B7%9A+%E0%B6%9A%E0%B7%92%E0%B6%BA%E0%B7%94%E0%B7%82%E0%B7%94+%E0%B6%9A%E0%B6%BD%E0%B7%8F%E0%B6%B4%E0%B6%BA%E0%B6%A7+%E0%B6%BB%E0%B7%92%E0%B6%9A%E0%B7%8A%E0%B6%A7%E0%B6%BB%E0%B7%8A+%E0%B6%B8%E0%B7%8F%E0%B6%B4%E0%B6%9A+7.1%E0%B6%9A+%E0%B6%B4%E0%B7%8A%E2%80%8D%E0%B6%BB%E0%B6%B6%E0%B6%BD+%E0%B6%B7%E0%B7%96%E0%B6%B8%E0%B7%92%E0%B6%9A%E0%B6%B8%E0%B7%8A%E0%B6%B4%E0%B7%8F%E0%B7%80%E0%B6%9A%E0%B7%8A

ජපානයේ දකුණු ප්‍රදේශයේ කියුෂු දූපත ආසන්නයේ අද (28) රික්ටර් මාපක 7.1ක ප්‍රබල භූමිකම්පාවක් සිදුව ඇති බව ජපාන කාලගුණ විද්‍යා ඒජන්සිය (JMA) පවසනවා.

භූමිකම්පාවේ මූලික ස්ථානය දකුණු කුමමොටෝ ප්‍රාන්තය ආශ්‍රිතව හඳුනාගෙන ඇති අතර, එයත් සමග මීටර් 1ක් පමණ උස සුනාමි රළ ඇතිවීමේ අවදානමක් පිළිබඳ අනතුරු ඇඟවීමක් නිකුත් කර ඇති බවයි විදෙස් මාධ්‍ය සඳහන් කරන්නේ.

ජපාන රජය විසින් කියුෂු දූපතේ පිහිටි කුමමොටෝ, නාගසාකි, කගෝෂිමා, ෆුකුවෝකා, සාගා, ඔයිටා සහ මියාසාකි යන ප්‍රාන්ත සඳහා හදිසි භූමිකම්පා අනතුරු ඇඟවීම් නිකුත් කර තිබෙනවා.

භූමිකම්පාවෙන් පසු කියුෂු විදුලි බල සමාගම සඳහන් කර ඇත්තේ, සෙන්ඩායි සහ ගෙන්කායි න්‍යෂ්ටික බලාගාරවල කිසිදු අසාමාන්‍ය තත්ත්වයක් වාර්තා වී නොමැති බවයි.

මේ අතර, JR කියුෂු දුම්රිය සේවය භූමිකම්පාව හේතුවෙන් අධිවේගී ෂින්කන්සෙන් දුම්රිය ඇතුළු දුම්රිය සේවා තාවකාලිකව අත්හිටුවා ඇති බව සඳහන් කර තිබෙනවා.