කඩුවෙලදී සුඛෝපභෝගී බස් රථයකට ගිනි තබයි

කඩුවෙල ප්‍රධාන බස් නැවතුම්පොලෙහි අසළ ප්‍රධාන සති පොළ භූමිය ආසන්නයේ නවතා තිබූ සුඛෝපභෝගී බස් රථයකට යතුරුපැදියකින් පැමිණි නාඳුනන පුද්ගලයින් දෙදෙනෙකු විසින් අද (05) අලුයම ගිනි තබා පලා ගොස් තිබෙනවා.

මෙලෙස ගිනි තබා ඇත්තේ, අධිවේගී මාර්ගය හරහා කඩුවෙල - මාතර ධාවනය කරන ලද සුඛෝපභෝගී බස් රථයක්.

ගිනි ගැනීමෙන් බස් රථය සම්පූර්ණයෙන්ම විනාශ වී ඇති බවයි පොලිසිය සඳහන් කළේ.

මෙම බස් රථය අසල ගාල් කර තිබූ කඩුවෙල - කොල්ලුපිටිය සාමාන්‍ය සේවා බස් රථ දෙකකට ද ගින්නෙන් සුළු හානි සිදුව තිබෙනවා.

පෞද්ගලික ආරවුලක් මත මෙම ගිනි තැබීම සිදු කරන්නට ඇති බවට පොලිසිය සැක පළ කරනවා.