වාග් චිකිත්සකවරුන් 52කට පත්වීම්

%E0%B7%80%E0%B7%8F%E0%B6%9C%E0%B7%8A+%E0%B6%A0%E0%B7%92%E0%B6%9A%E0%B7%92%E0%B6%AD%E0%B7%8A%E0%B7%83%E0%B6%9A%E0%B7%80%E0%B6%BB%E0%B7%94%E0%B6%B1%E0%B7%8A+52%E0%B6%9A%E0%B6%A7+%E0%B6%B4%E0%B6%AD%E0%B7%8A%E0%B7%80%E0%B7%93%E0%B6%B8%E0%B7%8A

වාග් චිකිත්සක වෘත්තිකයින් (Speech Therapists) 52 දෙනෙකු බඳවා ගැනීමේ පත්වීම් ලිපි ප්‍රදානය හෙට (13) සෞඛ්‍ය හා ජනමාධ්‍ය අමාත්‍යාංශයේ ජීව වෛද්‍ය ඉංජිනේරු අංශයේ නව ශ්‍රවණාගාරයේදී පැවැත්වීමට නියමිතව ඇතැයි එම අමාත්‍යාංශය සඳහන් කරනවා.

සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්සගේ ප්‍රධානත්වයෙන් හෙට (13) පෙරවරු 11.00 ට මෙම උත්සවය පැවැත්වීමට නියමිතව තිබෙනවා.

එමෙන්ම, විකිරණ ශිල්පී අනුස්ථාපන සමායෝජන පුහුණුව සඳහා 64 දෙනෙකු බඳවා ගැනීමේ ලිපි ප්‍රදානය කිරීම ද මෙහිදී සිදුකෙරන බවයි සෞඛ්‍ය අමාතයාංශය සඳහන් කළේ.

රෝහල් පද්ධතිය තුළ පවතින කාර්ය මණ්ඩල හිඟය අවම කරමින් රෝගී සත්කාරක සේවාවන් අඛණ්ඩව පවත්වාගෙන යාමත්, විධිමත් පුහුණු සෞඛ්‍ය කාර්ය මණ්ඩලයක් තුළින් ජනතාවට වඩාත් කාර්යක්ෂම හා ගුණාත්මක සෞඛ්‍ය සේවාවක් ලබාදීමත් මෙම නව බඳවා ගැනීම්වල මූලික අරමුණ බවයි සෞඛ්‍ය අමාත්‍යාංශය සඳහන් කළේ.

ජනතාවට ගුණාත්මක සෞඛ්‍ය සේවාවක් අඛණ්ඩව ලබාදීම සඳහා අවශ්‍ය මානව සම්පත ක්‍රමානුකූලව සංවර්ධනය කරමින් මෙරට නිදහස් සෞඛ්‍ය සේවාව තවදුරටත් ශක්තිමත් කිරීම සෞඛ්‍ය හා ජනමාධ්‍ය අමාත්‍යාංශයේ ප්‍රමුඛ අරමුණ වන බවයි එම අමාත්‍යාංශය පැවසුවේ.