මොණරාගල තේක්ක රක්ෂිතයක ගින්නක්: අක්කර 15කට වඩා විනාශයි

මොණරාගල, හුළංදාව දකුණ, අලියාගල ප්‍රදේශය ආසන්නයේ පිහිටි රජයේ තේක්ක රක්ෂිතයක අද (23) පස්වරුවේ සිට ගින්නක් හටගෙන තිබෙනවා.

ගින්න මේ වන විට අක්කර 15කට වැඩි භූමි ප්‍රමාණයක් පුරා පැතිරී ඇති අතර, වියළි කාලගුණික තත්ත්වය හේතුවෙන් ගින්න ඉතා ශීඝ්‍රයෙන් පැතිර යමින් පවතින බවයි ප්‍රදේශවාසීන් පවසන්නේ.

ගින්න හේතුවෙන් රක්ෂිතයේ තේක්ක ඇතුළු වටිනා ශාක විශාල ප්‍රමාණයක් විනාශ වෙමින් පවතින අතර, තවදුරටත් ගින්න පැතිරීමේ අවදානමක්ද පවතිනවා.