වියළි කාලගුණයෙන් 81,000කට බොන්න වතුර නැහැ

%E0%B7%80%E0%B7%92%E0%B6%BA%E0%B7%85%E0%B7%92+%E0%B6%9A%E0%B7%8F%E0%B6%BD%E0%B6%9C%E0%B7%94%E0%B6%AB%E0%B6%BA%E0%B7%99%E0%B6%B1%E0%B7%8A+81%2C000%E0%B6%9A%E0%B6%A7+%E0%B6%B6%E0%B7%9C%E0%B6%B1%E0%B7%8A%E0%B6%B1+%E0%B7%80%E0%B6%AD%E0%B7%94%E0%B6%BB+%E0%B6%B1%E0%B7%90%E0%B7%84%E0%B7%90

දිවයිනේ ප්‍රදේශ රැසකට බලපා ඇති වියළි කාලගුණය හේතුවෙන් පුද්ගලයින් 81,000කට වැඩි පිරිසක් මේ වන විට පානීය ජල ගැටලුවකට මුහුණ පා සිටිනවා.

මේ හේතුවෙන් එම ප්‍රදේශවල ජනතාවට බවුසර මගින් ජලය බෙදාදීම ආරම්භ කර ඇති බවයි ආපදා කළමනාකරණ මධ්‍යස්ථානය පවසන්නේ.

වියළි කාලගුණයේ වැඩිම බලපෑම එල්ල වී ඇත්තේ මොණරාගල දිස්ත්‍රික්කයටයි.

එම දිස්ත්‍රික්කයේ පුද්ගලයින් 33,023ක් පානීය ජල අර්බුදයට මුහුණ දී සිටිනවා.

මීට අමතරව මඩකලපුව දිස්ත්‍රික්කයේ 28,523ක්, අම්පාර දිස්ත්‍රික්කයේ 8,783ක් සහ බදුල්ල දිස්ත්‍රික්කයේ 7,876ක් ඇතුළුව පුද්ගලයින් 81,865 දෙනෙකු මෙම ජල අර්බුදයට මුහුණ පා සිටින බවයි ආපදා කළමණාකරණ මධ්‍යස්ථානය සඳහන් කළේ.