නියඟයෙන් විපතට පත් වගාවන්ට කඩිනමින් කෘෂි රක්ෂණ වන්දි ගෙවීමට මිලියන 3,000 ක්

එල් නිනෝ තත්ත්වය හමුවේ නියඟයෙන් හානි වූ වගාවන් සඳහා වන්දි ලබාදීමට රුපියල් මිලියන 3,000 ක මුදලක් වෙන් කිරීමට රජය කටයුතු කර තිබෙනවා.

ඒ අනුව මේ වන විට අදාළ නිලධාරීන් විසින් බලපෑමට ලක්ව ඇති දිස්ත්‍රික්කවල වගා බිම්වලට ගොස් හානි තක්සේරු කිරීම් ආරම්භ කර ඇති බවයි කෘෂිකාර්මික හා ගොවිජන රක්ෂණ මණ්ඩලය නිවේදනය කළේ.

මොණරාගල, පොළොන්නරුව,හම්බන්තොට, අනුරාධපුර, අම්පාර ආදී දිස්ත්‍රික් වල පවතින වියලි කාලගුණික තත්ත්වය හේතුවෙන් වී, බඩඉරිගු ඇතුළු අනිකුත් වගාවන්ට හානි සිදුවුණා.

හානියට පත් වී, බඩ ඉරිඟු, ලොකු ලූණු, අර්තාපල්, සෝයා හා මිරිස් යන බෝග 06 කට හෙක්ටයාරයක් සඳහා රුපියල් ලක්ෂයක මුදලක් අක්කර 05 ක් සඳහා උපරිම වශයෙන් වන්දි ලෙස ගෙවීම සිදුකරනු ලබනවා.