අමෙරිකා ප්‍රහාරවලට ප්‍රතිචාර ලෙස ඉරානය හෝමුස් වෙත මිසයිල ප්‍රහාර එල්ල කරයි

ඉරාන තෙල් නෞකා තුනකට එක්සත් ජනපද හමුදාව එල්ල කළ ප්‍රහාරවලට පලිගැනීමක් ලෙස, ඉරාන ඉස්ලාමීය විප්ලවීය ආරක්ෂක බලකායේ (IRGC) නාවික හමුදාව සිරික් (Sirik) ප්‍රදේශයේ සිට හෝමුස් සමුද්‍ර සන්ධිය (Strait of Hormuz) දෙසට මිසයිල තුනක් දියත් කර තිබෙනවා.

ඉරාන මාධ්‍ය වාර්තා කරන්නේ මෙම ප්‍රතිප්‍රහාර හමුවේ එක්සත් ජනපද නෞකා තුනකට සහ තෙල් නෞකා තුනකට සෘජුවම ප්‍රහාර එල්ල වී ඇති බවයි.

කලාපයේ පවතින දැඩි හමුදාමය නොසන්සුන්තාවත් සමඟ ප්‍රහාර හුවමාරුව තවදුරටත් උග්‍ර වී ඇති අතර, මේ හේතුවෙන් හෝමුස් සමුද්‍ර සන්ධිය හරහා සිදුකෙරෙන නාවික ගමනාගමනයට සහ බලශක්ති සැපයුමට දැඩි බාධා එල්ල වී තිබෙනවා.