තියුණු ආයුධවලින් පහරකෑ දෙන්නෙක් මරුට

%E0%B6%AD%E0%B7%92%E0%B6%BA%E0%B7%94%E0%B6%AB%E0%B7%94+%E0%B6%86%E0%B6%BA%E0%B7%94%E0%B6%B0%E0%B7%80%E0%B6%BD%E0%B7%92%E0%B6%B1%E0%B7%8A+%E0%B6%B4%E0%B7%84%E0%B6%BB%E0%B6%9A%E0%B7%91+%E0%B6%AF%E0%B7%99%E0%B6%B1%E0%B7%8A%E0%B6%B1%E0%B7%99%E0%B6%9A%E0%B7%8A+%E0%B6%B8%E0%B6%BB%E0%B7%94%E0%B6%A7

දිවයිනේ ප්‍රදේශ දෙකකදී තියුණු ආයුධවලින් පහරදීම හේතුවෙන් ඊයේ‍ (14) පුද්ගලයින් දෙදෙනෙක් ජීවිතක්ෂයට පත්ව ඇතැයි පොලිසිය පවසනවා.

යක්කලමුල්ල සහ කොටහේන යන පොලිස් වසම්වලින් මෙම අපරාධ වාර්තා වී ඇති අතර, ඒ සම්බන්ධයෙන් වැඩිදුර විමර්ශන ක්‍රියාත්මක බවයි පොලිසිය පවසන්නේ.

යක්කලමුල්ල පොලිස් වසමේ මොරකැටිය ප්‍රදේශයේදී ඊයේ (14) පුද්ගලයෙකුට තියුණු ආයුධයකින් පහරදී ඝාතනය කර ඇති අතර මෙලෙස මරණයට පත්ව ඇත්තේ යක්කලමුල්ල ප්‍රදේශයේ පදිංචි 54 හැවිරිදි පුද්ගලයෙක්.

පැරණි ආරවුලක් මත ඇති වූ බහින් බස්වීමක් දුරදිග යාමෙන් තියුණු ආයුධයකින් පහරදී මෙම ඝාතනය සිදුකර ඇති බවට දැනට සිදුකළ විමර්ශනවලදී අනාවරණය වී ඇතැයි පොලිස් මූලස්ථානය සඳහන් කරනවා.

ඝාතනය සම්බන්ධයෙන් 27 හැවිරිදි සැකකරුවෙකු අත්අඩංගුවට ගෙන ඇති අතර, යක්කලමුල්ල පොලිසිය වැඩිදුර විමර්ශන සිදු කරනවා.

මේ අතර, කොටහේන නගරයේදී තියුණු ආයුධයකින් පහරදීමෙන් බරපතල තුවාල ලැබූ පුද්ගලයෙක් කොළඹ ජාතික රෝහලට ඇතුළත් කිරීමෙන් පසු මියගොස් ඇති බව කොටහේන පොලිසිය පවසවා.

මෙම සිද්ධියෙන් මියගොස් ඇත්තේ වැල්ලම්පිටිය ප්‍රදේශයේ පදිංචි 18 හැවිරිදි තරුණයෙක් බවයි පොලිසිය පවසන්නේ.

පුද්ගලික ආරවුලක් දුරදිග යාමෙන් පුද්ගලයින් දෙදෙනෙකු විසින් මෙම ඝාතනය සිදුකර ඇති බවට මූලික විමර්ශනවලදී අනාවරණය වී තිබෙනවා.

අදාල සැකකරුවන් මේ වන විට හඳුනාගෙන ඇති අතර, ඔවුන් අත්අඩංගුවට ගැනීම සඳහා කොටහේන පොලිසිය වැඩිදුර විමර්ශන ක්‍රියාත්මක කරනු ලබනවා.