தமிழ் திரையுலகின் முன்னணி நடிகரான அஜித் குமாரின் கார் பந்தய (Motorsport) பயணத்தை அடிப்படையாகக் கொண்டு உருவாகியுள்ள 'Gladiators – In Pursuit of Challenges'என்ற ஆவணப்படத்தின் ஃபர்ஸ்ட் லுக் போஸ்டர் மற்றும் மோஷன் போஸ்டர் ஆகியன அதிகாரப்பூர்வமாக வெளியிடப்பட்டுள்ளன.
இந்த ஆவணப்படத்தை அஜித் குமார் ஸ்போர்ட்ஸ் சர்வீசஸ் எல்.எல்.சி (Ajith Kumar Sports Services LLC) நிறுவனம் தயாரித்துள்ளது.
இதேவேளை இயக்குனர் ஏ.எல்.விஜய் இயக்கியுள்ள இந்த ஆவணப்படத்திற்கு ஜி.வி. பிரகாஷ் குமார் இசையமைத்துள்ளார்.
சுமார் 90 நிமிடங்கள் ஓடக்கூடிய இந்த ஆவணப் படம், நடிகர் அஜித்குமாரின் சர்வதேச கார் பந்தயப் பயணம், அவர் எதிர்கொண்ட சவால்கள், தீவிர பயிற்சி முறைகள் மற்றும் 'அஜித் குமார் ரேசிங்' அணியின் உலகளாவிய போட்டிகள் ஆகியவற்றைத் துல்லியமாகக் காட்சிப்படுத்தியுள்ளது.
ரசிகர்களிடையே மிகுந்த எதிர்பார்ப்பை ஏற்படுத்தியுள்ள இந்த ஆவணப்படம் விரைவில் திரையரங்குகளில் வெளியாகவுள்ளது குறிப்பிடத்தக்கது.
