சீனப் பொருளாதாரம் முதல் 7 மாதங்களில் ஸ்திரமான வளர்ச்சி: புள்ளியியல் துறை அறிவிப்பு

%E0%AE%9A%E0%AF%80%E0%AE%A9%E0%AE%AA%E0%AF%8D+%E0%AE%AA%E0%AF%8A%E0%AE%B0%E0%AF%81%E0%AE%B3%E0%AE%BE%E0%AE%A4%E0%AE%BE%E0%AE%B0%E0%AE%AE%E0%AF%8D+%E0%AE%AE%E0%AF%81%E0%AE%A4%E0%AE%B2%E0%AF%8D+7+%E0%AE%AE%E0%AE%BE%E0%AE%A4%E0%AE%99%E0%AF%8D%E0%AE%95%E0%AE%B3%E0%AE%BF%E0%AE%B2%E0%AF%8D+%E0%AE%B8%E0%AF%8D%E0%AE%A4%E0%AE%BF%E0%AE%B0%E0%AE%AE%E0%AE%BE%E0%AE%A9+%E0%AE%B5%E0%AE%B3%E0%AE%B0%E0%AF%8D%E0%AE%9A%E0%AF%8D%E0%AE%9A%E0%AE%BF%3A+%E0%AE%AA%E0%AF%81%E0%AE%B3%E0%AF%8D%E0%AE%B3%E0%AE%BF%E0%AE%AF%E0%AE%BF%E0%AE%AF%E0%AE%B2%E0%AF%8D+%E0%AE%A4%E0%AF%81%E0%AE%B1%E0%AF%88+%E0%AE%85%E0%AE%B1%E0%AE%BF%E0%AE%B5%E0%AE%BF%E0%AE%AA%E0%AF%8D%E0%AE%AA%E0%AF%81

இந்த ஆண்டின் முதல் ஏழு மாதங்களில் சீனப் பொருளாதாரம் ஒட்டுமொத்தமாக ஸ்திரமான வளர்ச்சியைப் பேணியுள்ளதாக சீன தேசிய புள்ளியியல் துறை தெரிவித்துள்ளது.

2026 ஆம் ஆண்டின் முதல் ஏழு மாதங்களில் சீனப் பொருளாதாரம் தொடர்பான பல்வேறு தரவுகளை வெளியிட்ட அந்த துறை, இதனைத் தெரிவித்துள்ளது.

கடந்த ஜனவரி முதல் ஜூலை வரை, 20 மில்லியன் சீன யுவான் அல்லது அதற்கு மேற்பட்ட வருடாந்த வருமானம் கொண்ட தொழில்துறை நிறுவனங்களின் சேர்க்கப்பட்ட மதிப்பு, கடந்த ஆண்டின் இதே காலப்பகுதியுடன் ஒப்பிடுகையில் 5.3 சதவீதத்தால் அதிகரித்துள்ளதாக அந்த துறை அறிக்கைகள் காட்டுகின்றன.

மேலும், அந்த காலப்பகுதியில் சீனாவின் சேவைத் துறையின் உற்பத்திச் சுட்டெண் 4.7 சதவீதத்தால் அதிகரித்துள்ளதுடன், 17.3 சதவீத அதிகரிப்பைக் காட்டிய பொருட்கள் இறக்குமதி மற்றும் ஏற்றுமதி உற்பத்தி 30,126.4 பில்லியன் சீன யுவான் என்றும் தெரிவிக்கப்படுகிறது.

இருப்பினும், சீனாவின் தேசிய நுகர்வோர் விலைச் சுட்டெண் (CPI) 0.9 சதவீத உயர்வைக்காட்டுகிறது.

இந்த ஆண்டின் இரண்டாம் பாதியில் சீனாவில் பொருட்கள் மற்றும் சேவைகளின் விலைகள் மிதமான உயர்வைப் பேணும் என எதிர்பார்க்கப்படுவதாகவும் தெரிவிக்கப்பட்டுள்ளது.