ரசிகர்களுக்காக விபத்து காப்பீட்டை அறிவித்த அல்லு அர்ஜுன்!

இந்தியாவின், ஹைதராபாத்தில் நடைபெற்ற நிகழ்ச்சி ஒன்றில் கலந்து கொண்ட நடிகர் அல்லு அர்ஜுன் தனது ரசிகர்களுக்காக ரூ.5 லட்சம் மதிப்பில் விபத்து காப்பீட்டுத் திட்டத்தை அறிவித்துள்ளார்.

ரசிகர்கள் தங்களது நேரத்தையும் ஆற்றலையும் சமூக வலைதளங்களில் சண்டையிடுவதற்காக வீணடிக்காமல், சுய முன்னேற்றம், குடும்ப நலன் மற்றும் தொழில் வளர்ச்சியில் கவனம் செலுத்த வேண்டும் என்று அல்லு அர்ஜுன் அறிவுறுத்தினார்.

இந்த நிகழ்ச்சியின் முக்கிய அம்சமாக, ரசிகர் மன்ற உறுப்பினர்களுக்காக புதிய விபத்து காப்பீட்டுத் திட்டத்தை அறிவித்தார்.

அதன்படி, மாநில நிர்வாகக் குழு உறுப்பினர்களுக்கு ரூ.5 லட்சம் மதிப்பிலான விபத்து காப்பீடும், மாவட்ட நிர்வாகக் குழு உறுப்பினர்களுக்கு ரூ.3 லட்சம் மதிப்பிலான விபத்து காப்பீடும் வழங்கப்படும்.

இந்தத் திட்டத்தின் மூலம் 900-க்கும் மேற்பட்ட ரசிகர் மன்ற உறுப்பினர்கள் பயனடைவார்கள் என்று இந்திய ஊடகங்கள் செய்தி வெளியிட்டுள்ளன.