ජාත්‍යන්තර පරීක්ෂණ මතවාදය දුර්වල වන ලකුණු - වැඩ බලන විදේශ ඇමති

සිව්දින සංචාරයක් සඳහා දිවයිනට පැමිණි එක්සත් ජාතීන්ගේ දේශපාලන කටයුතු භාර මහලේකම් ජෙෆ්රි ෆෙල්ට්මන් අද (28) ජනාධිපති මෛත්‍රීපාල සිරිසේන සහ වැඩබලන විදේශ අමාත්‍ය අජිත් පී. පෙරේරා හමුවුණා. සාකච්ඡාවලින් අනතුරුව හිරු ප්‍රවෘත්ති අංශයට ඒ පිළිබඳව අදහස් දැක්වූ වැඩබලන විදේශ අමාත්‍ය අජිත් පී.පෙරේරා කියා සිටියේ සාකච්ඡාවලදී දේශීය යාන්ත්‍රණයක් තුළින් චෝදනා විමර්ෂණය කර ගැනීමට ගත් තීරණය පිළිබඳව ජගත් සංවිධාන නියෝජිතයාගේ ප්‍රසාදය පළ වූ බවයි. ඒ සඳහා ජාත්‍යන්තර පරීක්ෂණයක් අවශ්‍ය බවට පවතින මතවාදය තවදුරටත් දුර්වල වී ඇතැයි ඔහු සඳහන් කළා.